Ko ʻEku Ngaahi Lea ʻi he Ongoongoleleí

Kumi ʻa e ngaahi foʻi lea mo e kupuʻi lea ko ʻení ʻi he tatau ko ʻeni ʻo e Ko e Kaumeʻá!

Lea ʻo e Potó

Ko e Lea ʻo e Potó ko ha fakahinohino ia ki hono tokangaʻi hotau sinó mo e laumālié. Te ke lava ʻo lau ia ʻi he Tokāteline mo e Ngaahi Fuakava 89. ʻOkú ne akoʻi kitautolu ke tau fai ha ngaahi fili moʻui lelei mo palōmesi mai ha ngaahi tāpuaki ʻi he taimi ʻoku tau talangofua aí.

Fakatapui ʻo e Temipalé

Hili e ʻosi ʻa e temipalé, ʻoku fakahoko leva ha fakataha makehe ʻoku ui ko e fakatapui ʻo e temipalé. ʻOku fai ʻe ha palōfita pe ʻaposetolo ha lotu ʻokú ne ʻai ʻa e temipalé ke hoko ko ha fale māʻoniʻoni. Hili ʻa e fakatapuí, ʻe lava ke fakahoko ʻa e ngaahi ouaú ʻi loto ke tokoni ki he ngāue ʻa e ʻOtuá.

Angatonu

ʻOku ʻuhinga ʻa e angatonú ki hono fai ʻo e meʻa ʻoku totonú neongo ʻoku ʻikai sio mai ha taha. ʻOku tokoniʻi kitautolu ʻe he angatonú ke tau hoko ʻo hangē ange ko Sīsū Kalaisí.

Ouau Tanupoú

Ko e ouau tanupoú ko ha polokalama ia ke fakafiefiaʻi ʻaki ʻa e kamataʻanga ʻo ha ngāue langa. ʻOku faʻa fakahoko ʻe he Siasí ha ngaahi ouau tanupou ki he ngaahi temipalé mo e ngaahi fale ʻo e siasí.