“Ngaahi Tāpuaki ʻo e Temipalé,” Ko e Kaumeʻá, ʻAokosi 2025, 2–3.
Mei he Kau Palesitenisī ʻUluakí
Ngaahi Tāpuaki ʻo e Temipalé
Toʻo mei he “ʻE Toe Hāʻele Mai ʻa e ʻEiki ko Sīsū Kalaisí,” Liahona, Nōvema 2024, 121–22.
Kuo tau langa ha ngaahi temipale ʻi ha ngaahi fonua kehekehe. Ko e hā ʻa e ʻuhinga ʻoku tau langa ai ha ngaahi temipale lahí? Koeʻuhí he kuo fakahinohinoʻi kitautolu ʻe he ʻEikí ke tau fai ia. ʻOku tokoni ʻa e ngaahi tāpuaki ʻo e temipalé ke tānaki ʻa ʻIsileli ʻi he ongo tafaʻaki fakatouʻosi ʻo e veilí. ʻOku tokoniʻi foki kitautolu ʻe he ngaahi tāpuaki ko ʻení ki he Hāʻele ʻAnga Ua Mai ʻa e ʻEikí!
ʻI he fale ʻo e ʻEikí, ʻoku tau tokanga pē kia Sīsū Kalaisi. ʻOku tau ako ʻiate Ia. ʻOku tau fai ha ngaahi fuakava, pe ngaahi palōmesi, ke muimui kiate Ia. ʻOku tau ʻiloʻi ai Ia.
Pea ʻi heʻetau tauhi ʻetau ngaahi fuakava fakatemipalé, ʻoku tau maʻu ai ha faingamālie lahi ange ki he mālohi fakaivia ʻo e ʻEikí. ʻOku tau aʻusia ʻi he temipalé ʻa e ʻofa haohaoa ʻa Sīsū Kalaisi mo e Tamai Hēvaní.
Tokoni ki Hono Tānaki ʻo ʻIsilelí
ʻOku ʻuhinga hono tānaki ʻo ʻIsilelí ki hono tokoniʻi e fānau kotoa ʻa e Tamai Hēvaní ke nau foki hake kiate Iá. ʻOku tokoniʻi kitautolu ʻe he temipalé ke tau fai ia! Te ke lava nai ʻo tokoniʻi ʻa e tokotaha kotoa pē ke nau ʻilo honau hala ki he temipalé ʻi he hala fihifihí?
ʻŪ tā fakatātā ʻa Alyssa Tallent