Ko Hono Langa ha Temipalé

Peesi PDF ʻo e ngaahi temipalé, ngaahi temipale ʻoku lolotonga langá, kakai mo haʻanau sāvolo ʻi ha ouau tanupou, ʻū meʻalele ki he ngāue langá, kakai ʻi he ʻoupeni hausi ʻo ha temipale, mo ha kiʻi taʻahine ʻi muʻa ʻi ha temipale

Naʻe fakahā ʻe he ʻEikí kia Siosefa Sāmita ʻoku totonu ke nau langa ha temipale (vakai, Tokāteline mo e Ngaahi Fuakava 84:4–5). Naʻe tuʻu ʻa e ongo fuofua temipale ʻi he ngaahi ʻaho kimui ní ʻi Ketilani, ʻOhaiō mo Nāvū, ʻIlinoisi, ʻi USA.

Kuo tau maʻu ʻi he taimí ni ha ngaahi temipale ʻe meimei 200 kuo ʻosi langa ʻi he funga ʻo e māmaní, pea ʻoku toe langa mo ha ngaahi temipale lahi ange! Sio ki he ‘ū fakatātaá ke vakai ki he founga ʻoku tau langa ai ʻa e ngaahi temipalé ʻi he ʻaho ní.

ʻOku tokoni ʻa e kau tā-palaní ki hono palani ʻo e ngaahi temipalé. Pea ʻoku ngāue leva ʻa e kau ngāue langá!

ʻI he taimi kuo maau ai ke kamata ʻa e langa temipalé, ʻoku fakataha mai ʻa e kau taki ʻo e Siasí mo e kāingalotú ki ha ouau makehe ʻoku ui ko e tanupoú. ʻOku nau lotua ʻa e temipalé mo e kakai ʻoku nofo ofi maí.

ʻI he ʻosi ʻa e temipalé, ʻe lava ke takimamata ki ai ʻa e kau ʻaʻahí. Hili ʻa e ngaahi takimamata ko ʻení, ʻoku ʻaʻahi ha palōfita pe ʻaposetolo ki he temipalé ʻo fai ha lotu makehe ke fakatapui ʻa e temipalé. Ko e lotu ko ʻení ʻoku tokoni ia ke ʻai ʻa e falé ke hoko ko ha fale ʻo e ʻEikí ʻa ia ʻe lava ke fakahoko ai ʻa e ngaahi ouau toputapú.