Ma‘á e Fānau Lalahi Angé

ʻOku ou ongoʻi nonga ʻi he taimi ʻoku ou lau ai ʻa e Tohi ʻa Molomoná.

Packer T., taʻu 9, ʻIutā, USA

ʻI he taimi ʻoku ou vahevahe ai fekauʻaki mo e Siasí, ʻoku ou ongoʻi ʻo hangē ʻoku ou fakahoko ʻa e ngāue fakafaifekau maʻá e Tamai Hēvaní. ʻOku ou ongoʻi ʻokú Ne fiefia ʻaupito ʻiate au. ʻOku ou ʻilo te tau lava kotoa ʻo hoko ko ha kau faifekau lelei.

Lily C., taʻu 12, Taoiuani, Taiuani

Tokoniʻi ʻa Nita ke ʻunu holo ʻi he falé ke kumi hono kaungāmeʻá! Te ne lava pe ʻo hiki ki ha loki ʻoku ʻi he tafaʻaki tonu pē ʻo e loki ʻokú ne ʻi aí, pea kuo pau ke ʻi ai ha meʻa ʻoku tatau ʻi he ongo lokí. Hangē ko ʻení, te ne lava ʻo hiki mei he loki 1 ki he loki 5 koeʻuhí ʻoku ʻi he tafaʻakí tonu pea ʻokú na fakatou maʻu ha tohi lanu pulū mo lanu kulei. ʻE ʻaʻahi tuʻo taha ʻa Nita ki he loki takitaha. Ko hono kaungāmeʻá ʻoku ʻi he loki fakaʻosi ʻe hū ki aí.

Hiki ʻa e fakahokohoko ʻo e ngaahi loki ʻokú ne ʻaʻahi ki aí.

Taufetongi ʻi hono fakahoko ʻa e vaʻinga ʻeti ko ʻení mo ha kaungāmeʻa. Fili ha taha ke Loto-mamahi pea mo ha taha ke Fiefia. ʻOku kamata ʻe he Loto-mamahí ʻa e vaʻingá ʻaki haʻane lea ʻaki ha meʻa fakamamahi. Pea ʻe pehē leva ʻa Fiefia “KA!” pea te ne tānaki atu ha meʻa fakafiefia fekauʻaki mo e meʻa naʻe lea ʻaki ʻe Loto-mamahí. Fetongi tuʻunga pea toe vaʻinga pē. Fakaʻaongaʻi ʻa e fakamatala ko ʻení ke kamata ʻaki:

Loto-mamahi: ʻOku ou ongoʻi puke ʻi he ʻahó ni.

Fiefia: KA! Naʻe ʻomi ʻe hoku kaungāmeʻá ha meʻa lelei ke u kai.

Loto-mamahi: ʻOku fuʻu taʻeoli ʻeku ngaahi ngāue fakaʻapí.

Fiefia: KA! Kapau te u ʻosi vave, te u lava ʻo vaʻinga mo hoku ngaahi kaungāmeʻá.

Fakafonu ʻa e ngaahi tapafā ʻoku ʻataá ke ʻasi kotoa ʻa e ngaahi mataʻifika 1–4 ʻi he ʻotu takitaha (toʻohema ki toʻomataʻu), kōlomu takitaha (ʻolunga ki lalo), pea mo e puha takitaha kuo ʻosi laineʻí. Te ke lava nai ʻo fakakaukau ki ha meʻa lelei ʻe fā ke fai ʻi he ʻahó ni?