“ʻOkú Ke Makehe,” Ko e Kaumeʻá, ʻAokosi 2025, 20–21.
ʻOkú Ke Makehe
Mei ha ʻinitaviu mo Peletilī Salamoni III mo Kali Lei.
ʻI he kei iiki ʻeku fānaú, naʻá ku foaki ange ha tāpuaki lakanga fakataulaʻeiki ʻi he taʻu kotoa pē kimuʻa pea kamata ʻa e akó. ʻI ha taʻu ʻe taha, naʻe foua ai ʻe hoku ʻofefiné ha taimi faingataʻa. Naʻe ʻikai fuʻu mahino kiate au ʻa e meʻa naʻá ne fouá peá u ongoʻi loto-foʻi.
Naʻe hoko ha meʻa ʻi he taimi naʻá ku hili ai hoku ongo nimá ʻi hono ʻulú pea kamata ke ʻoange hano tāpuakí. Naʻe tokoniʻi au ʻe he ʻEikí ʻo fakafou ʻi he mālohi ʻo e Laumālie Māʻoniʻoní ke u vakai ki hoku ʻofefiné ko ha ʻofefine fakaʻofoʻofa mo fisifisimuʻa ʻo e ʻOtuá. Naʻe liliu fakaʻaufuli ʻeku fakakaukaú. Naʻe ʻikai ke u toe loto-foʻi.
Naʻe tokoniʻi au ʻe he Tamai Hēvaní ke u vakai ki hoku ʻofefiné ko ha tokotaha makehe mo mahuʻinga. ʻOku ou ʻilo ʻokú ke fakaofo foki mo koe! ʻOkú ke fakaʻofoʻofa mo mohu talēnitiʻia mo e ngaahi ivi malava fakalangi. Ko ha fānau moʻoni koe ʻo ha ongomātuʻa fakalangi. Pea ʻoku ou tui ʻoku moʻoni ia ki he fānau kotoa pē ʻi he māmaní. ʻOkú ke makehe mo faka-ʻOtua.
Fonu ʻi he ʻOfá
Tā ha fakatātā ʻo koe ʻi loto ʻi he ʻēsiaʻi taá. Lolotonga hoʻo tā fakatātaá, fakakaukau ki he founga ʻokú ke hoko ai ko e fānau ʻa e ʻOtuá. Tautau ʻa e peesi ko ʻení ko ha fakamanatu ʻokú ke makehe mo faka-ʻOtua.
ʻOku ou makehe mo faka-ʻOtua.
ʻŪ tā fakatātā ʻa Fiona Powers