Ang mga Apostol ay Nagmisyon sa Great Britain

Sinabi ng Panginoon kay Joseph Smith na ipadala ang ilan sa mga Apostol sa misyon sa Great Britain. Mahirap para sa mga Apostol na iwan ang kanilang pamilya, pero nangako ang Panginoon na pagpapalain sila.

Si Heber C. Kimball at ang kanyang asawang si Vilate ay nagsisimula pa lang sa kanilang buhay may pamilya. Marami sa kanila ang nagkaroon ng matinding sakit.

May sakit din si Brigham Young, at mahirap ang kanyang pamilya. Pero sinabi kay Brigham ng asawa niyang si Mary Ann, “Humayo ka at gampanan mo ang iyong misyon, at pagpapalain ka ng Panginoon.”

Gumaling sina Heber at Brigham, pero napakahina nila noon. Gusto nilang ipangaral ang ebanghelyo, kaya nagpaalam sila sa kanilang mga pamilya at umakyat sa likod ng isang bagon upang simulan ang kanilang paglalakbay.

Matapos ang mahabang paglalakbay patawid sa karagatan, dumating sina Heber at Brigham sa Great Britain. Kasama ang iba pang mga Apostol, itinuro nila sa maraming tao ang ebanghelyo. Libu-libong tao ang nabinyagan sa Simbahan ni Jesucristo. Marami sa kanila ang naglayag patawid ng karagatan para makasama ang mga Banal sa Estados Unidos.

Tinupad ng Panginoon ang Kanyang pangako na pangangalagaan ang pamilya nina Heber at Brigham habang naglilingkod sila sa Kanya bilang mga missionary.