iTalanoa ni iVolanikalou
Eratou Kaulotu na Apositolo i Peritania
A tukuna na Turaga vei Josefa Simici me talai ira eso na iApositolo ena dua na ilakolako ni kaulotu i Peritania. A dredre vei iratou na Apositolo me ratou biuta na nodratou matavuvale, ia a yalataka na Turaga me vakalougatataki iratou.
A se gone na matavuvale nei Heber C. Kimball kei na watina, o Vilate. E levu vei iratou a tauvimate bibi sara.
A tauvimate talega o Brigham Young, ka dravudravua na nona matavuvale. Ia na wati Brigham, o Mary Ann, a kaya vua “Mo lako ka qarava na nomu ilesilesi, ka na vakalougatataki iko na Turaga.”
Rau sa vinaka mai o Heber kei Brigham, ia erau a malumalumu sara vakalevu. Erau a vinakata merau vunautaka na kosipeli, ka rau mani vakamoce kina nodrau matavuvale ka vodo kina dua na kareti me tekivu na nodrau ilakolako.
Ni oti edua na ilakolako balavu kosova na wasawasa, rau a yaco yani i Peritania o Heber kei Brigham. Vata kei iratou na Apositolo tale eso, eratou a vakavulica na kosipeli vei ira e vuqa na tamata. E udolu na tamata era a papitaisotaki kina Lotu i Jisu Karisito. E vuqa vei ira era soko kosova na wasawasa mera tomani ira na Yalododonu e Amerika.
A maroroya na Turaga na Nona yalayala me qarava na matavuvale nei Heber kei Brigham ena gauna erau qaravi Koya tiko kina vakadaukaulotu.