Volai mai vei Iko
E Bula Dina Tiko O Jisu?
Dua na siga au a tomani iratou na taciqu ena teveli me keitou vulica na ivolanikalou vakamatavuvale. A tekivuna o tinaqu na neitou lesoni ni Lako Mai, Mo Muri Au ia au a sega sara ni galeleta. Au a vakasamataka tiko edua tale na ka: E bula dina tiko beka o Jisu?
Ena lotu kei na Lalai keimani vulica kina ni o Koya e bula dina tiko, ia au a sega ni kila vakataki au. Au vakasamataka vakawasoma, ia au a sega ni kunea rawa na kena isau.
Ni oti na vuli ivolanikalou, au a tarogi tinaqu, “E bula dina tiko beka o Jisu?”
“Taro vinaka,” a kaya o koya. “Vakacava mo masulaka?”
“Donu,” au a kaya.
Ena bogi oya au a cavuta edua na masu ka taroga, “Tamaqu Vakalomalagi, e bula dina tiko beka na Luvemuni?” Au vakila ni katakata na lomaqu. Au kila ni Kalou a sauma mai na noqu masu. Ni oti oya, au a cavuta edua na masu ni vakavinavinaka vua na Tamada Vakalomalagi ena nona sauma noqu masu. Au kila ni dau rogoca na noqu masu o Koya ka na rogoca tale ga o Koya na nomu masu.
Droini mai vei Emily Davis