Vakabula mai Taiwan!
O Taiwan edua na yanuyanu volekati Hong Kong. E sivia na 23 na milioni na tamata era tiko kina. Na vosa era vakayagataki vakalevu oya na vosa vaka Mandarin, Hokkien, kei na Hakka.
Gauna ni Moce!
E Taiwan e dau matau tu ena veikoronivuli kei na veivalenivolavola me caka na moce ni oti na vakasigalevu.
Dua Senikau Vakamareqeti
Na seni plum a yaco me ivakatakarakara vakadonui kei Taiwan ena 1964. Era digitaka baleta ni dau se mada ga ena vulaibatabata.
Veikauyaki Vakatotolo
Na Taipei 101 e vale balavu duadua e Taiwan. E totolo sara na kena ikabakaba livaliva ka taura ga e 37 na sekodi me lako mai na ika 5 ni tabavale ki na kena ika 89.
Levu Na Ulunivanua
E sivia na veimama ni vanua o Taiwan era roboti tu ena veiulunivanua. E vica tale tiko ga na kena volokeno, ia era se bera ni kacabote ena vica vata na drau na yabaki.
Drodrolagi Totoka
A yaco mai Taiwan na drodrolagi tu-dede duadua e vuravura. Era rawa ni raica na tamata me voleka ni ciwa na auwa!
Marautaki ni Cina ni Lomalagi
Na Soqo ni Cina e Taiwan e ivakatakarakara ni inuinui, reki, kei na duavata. Ena gauna ni marau levu oqo, era dau caka i cina na tamata ka vakavukaci ira yani ki lomalagi.
Droini mai vei Book of Lai