iLavo ena Makete
Ena gauna oqo, au na cakava sara ga na ka a kera o Nana, a vakasamataka o Anane.
E dua na italanoa dina mai Qana.
A dredre o Anane ni taubale tiko e gaunisala. Na iboi ni ika tavuteke kei na tamosa ni nodra veivosaki na tamata ea vakasinaita na makete. Ea lako tiko o koya ki na vale nei Momo. A solia o Na vei Anane eso na ilavo me solia vei Momo.
A vakararai wavoki ena veiteveli ni volitaki ivoli, kakana, kei na iyaya tale eso. A qai coba na matana ena dua na ka.
E dua na teveli a tiko kina erua na kena ivakalomavinaka taleitaki, na tofi kei na bisikete. A raica o koya na ilavo a solia vua o Nana. Dua na drau na cedis (ilavo ni Qana) e levu sara, a nanuma o koya. E 10 ga na cedis na isau ni ivakalomavinaka. Ena sega mada ga ni kila o Momo kevaka e yali eso na ilavo.
A volia o Anane na ivakalomavinaka. A biuta ki gusuna e dua na tofi ka lako yani kina vale nei Momo.
A tucake tu o Momo ena tautuba ni nona vale ni lako cake yani o Anane.
“Ke qai sega mada ga nio Anane lailai qo! Lako sara mai,” a kaya o Momo. “Na cava au rawa ni cakava vei iko?”
“Au kauta mai vei iko eso na ilavo mai vei Nana.” A solia vua o Anane na ilavo, qai biuta lesu na ligana ena nona taga. Ena kila beka o Momo ni sa yali eso na ilavo? A sarava ni sa wilika o Momo na ilavo.
“Vinaka vakalevu na nomu kauta mai qo,” a kaya o Momo.
A marau o Anane ni sega ni kila o Momo na ilavo e yali tiko. A vakamoce ka tekivuna na taubale balavu ki vale. A kania vakaoti na tofi kei na bisikete, ni taubale tiko.
“Ea vakacava tu na taubale vei Momo?” A taroga o Nana ni yaco i vale o Anane.
A kuretaka o koya na tabana. “Ea vinaka.”
“Vinaka vakalevu na nomu kauta vua na ilavo o ya ena vukuqu,” a kaya o Nana.
A raica sobu na vuloa o Anane. Sa tekivu me vakila na nona cala. Vakacava ke rau kila na nona itubutubu ni a vakayagataka eso na ilavo? A sega ni vinakata o koya me vakayali na nodrau nuitaki koya.
Ena mataka ka tarava, a kerei Anane o Nana me volia eso na ka ena dua na sitoa voleka. “Lako vakadodonu mai vale ni oti na nomu volivoli ena sitoa, sa macala?”
“DONU.” A taubale e loma ni makete o Anane, ia a sega ni cegu me volia e dua na ka. Ea vakaveveku mata ka nanuma, Ena gauna oqo au na cakava sara ga na ka a kerea o Nau.
Ni oti ga nona volivoli, a gole vakadodonu sara ki vale. A solia vei Nana na vo ni ilavo.
Ena Sigatabu oya, a gole o Anane kina nona kalasi ni Lalai. “Ni sa yadra vinaka!” a kaya na nona qasenivuli. “Nikua eda na veivosakitaka tiko na talairawarawa. Sa ka bibi sara vei keda meda vakarorogo vei ira na noda itubutubu ka digidigi vinaka.”
A vakasamataka o Anane na ilavo a vakayagataka ena tofi kei na bisikete. A vakila o koya na yavavala ni ketena. A kila o koya ni a cakava e dua na digidigi cala.
Ni oti na lotu, a vinakata o Anane me vosa vei rau na nona itubutubu. A veitubuyaki na nona uto.
“Nana, Tata? Drau kila na ilavo a soli vei au meu kauta vei Momo?” A taroga o Anane. “Edua na kena iwase au a volia kina eso na ivakalomavinaka.” A raica sobu na vuloa o Anane. “Au kere veivosoti.”
“Vinaka vakalevu na lomadina,” a kaya o Tata. “Au dokai iko sara ga.”
A dredre o Anane. Ea marau vakalevu ni tukuna na ka dina. Ka a vakila na vinaka ni lomana ni oti nona tukutuku vei rau na nona itubutubu. Sa cakava sara tiko ga o koya na digidigi e vinaka cake.
Droini mai vei Aleksandar Zolotic