Na Vuli kei na Tubu
Eda lako mai ki vuravura me rawa nida vuli ka tubu ka yaco me vaka na Tamada Vakalomalagi ena dua na siga (raica na Mosese 1:39). Ena so na gauna eda dau cakava eso na digidigi eda sega ni dau taleitaka. Nida ivalavala ca se caka cala, sa dua na madigi vinaka vei keda meda gole kina vei Jisu Karisito.
E rawa niko na tubu ka tovolea tale niko cakava e dua na cala se digidigi cala. Erau lomani iko vakavinaka sara na Tamada Vakalomalagi kei Jisu Karisito ka rawa ni rau na dau vukei iko tu ga!
Na Tamata Kece E Rawa ni Veivutuni
Nomu digitaka mo cakava edua na ka o kila ni saqata na ivakaro ni Kalou e ivalavala ca. A kila tu na Tamada Vakalomalagi nida na ivalavala ca kece ka cakava eso na digidigi ca. Oqori na vuna a tala mai kina na Luvena, o Jisu Karisito. Ena vukuna, eda sa rawa ni veivutuni, vakila na Nona loloma, ka digidigi vakavinaka cake (raica na Inosi 1:5–6). Nanuma, na Turaga e yalataka, “Raica ko koya sa veivutunitaka na nona ivalavala ca, ena vosoti, ia koi Au na Turaga au na sega ni nanuma tale na nona ivalavala ca” (Vunau kei na Veiyalayalati 58:42).
Vuli mai na Cala
Na cala edua na ka o cakava ena vakacalaka. Ena so na gauna na cala ena rawa ni vakavuna mo rarawa se madua. Ia e sega ni gadrevi meda vakanamata ki na noda cala! Eda rawa ni vuli mai vei ira ka laiva mera lako. O Jisu Karisito e rawa ni vukei keda talega ena veika oqo.
Droini mai vei Tatsiana Burgaud