Wiliki Vaka Rawarawa

Vosa Kamica ka Rawarawa

Mai vei Jane McBride

E dua na italanoa dina mai Amerika.

Era dabe toka na gone ena Lalai ka vakarorogo tiko vua edua na iliuliu

A matadredredre o Kaci ni taura na nona idabedabe ena Lalai. Nikua a nodra gauna ni vakaitavi na gone ena soqoni ni sakaramede. A veivakataqayataki dina me cavuta nona tikina, ia a cakava rawa!

A tucake tu e liu, o Sisita Dench, na peresitedi ni Lalai. “Vinaka na vakaitavi ena soqoni ni sakaramede nikua!” a kaya o koya. “Au kila nio ni a dui cakacaka vakaukauwa mo ni vulica na nomuni tikina.”

Veivosaki tiko erua na gonetagane, rarawa tiko na goneyalewa

“Vakavo ga o Kaci,” a kaya edua vei ira na gonetagane qase cake. “E sega ni dua e kila na ka a tukuna.”

A matarubu o Sisita Dench vua na gonetagane, ka qai vuki me matadredredre vei Kaci. “O a cakava edua na cakacaka totoka.”

A tovolea vakaukauwa o Kaci me kakua ni tagi. Ea cakava na nona vinaka taucoko me vulica na nona tikina. Ia ena so na gauna e sega ni dau rogo donu mai na nona vosa.

Tagi tiko na goneyalewa kei na nona matavuvale ena motoka

Ni lesu tiko i vale, a sega ni tarova rawa o Kaci na wainimatana.

“Na cava e leqa?” A taroga o Nana.

“E dua vei ira na gonetagane a vakalialiai au. Ea kaya o koya niu sega ni cavuta vinaka na noqu tikina.” Sa tekivu me tagi vakaukauwa.

Veivosaki tiko ena motoka o Nana kei goneyalewa

“O a cakava edua na cakacaka totoka. Keirau qoroi iko kei Tata,” a kaya o Nana. “O kila beka se o cei tale e qoroi iko?”

A kurea na uluna o Kaci.

“O Tamada Vakalomalagi,” a kaya o Nana. “E kila o Koya nio a cakava na nomu vinaka taucoko.”

A vakila o Kaci ni vinaka cake mai. A vinakata me vakayagataka na nona vosa me vukei ira tale eso mera marau tale ga.

E koronivuli, a tukuna o Kaci vua na nona qasenivuli ni cakava tiko e dua na cakacaka vinaka ena nona veivakavulici.

E vale, a vakavinakataka tiko o Tata edua na vatavata. A tukuna vua o Kaci ni a cakava tiko o koya edua na cakacaka vinaka me totoka kina na nodratou vale.

E tautuba, rau a veipasitaki polo tiko o Kaci kei tacina. A tukuna vei koya o Kaci ni cakava tiko edua na cakacaka vinaka ena veipasi.

Vakasamataka tiko na goneyalewa na nona dau vosa vinaka vei ira na tani

Ena nona tukuna vei ira na tamata o Kaci nira cakava tiko edua na cakacaka vinaka a vakila kina o koya ni vinaka na lomana. Ni raici ira na tani nira matadredredre, a kila o koya ni nona vosa rawarawa a vakavuna na veisau levu!