Sayon sa Magbabasa
Ang Cookie nga Bookmark
Usa ka tinuod nga istorya gikan sa USA.
“Mahimo bang pangayoon ang nahabilin nga cookie?” Mihangyo si Jack.
“Ibilin nato na para ugma,” miingon si Mama. “Oras na sa tingkatulog.”
Nanghuyhoy ang mga abaga ni Jack. Nagtoothbrush siya. Gisul-ob niya iyang mga pajama. Ug sige siya og hunahuna sa cookie.
Miadto siya sa kusina aron moinom og tubig. Ang cookie anaa sa bag kilid sa bangera. Walay nagtan-aw.
Kalit nga gikuha kini ni Jack og midagan siya og paspas paingon sa iyang kwarto. Iyang gikuha ang cookie gikan sa bag og mikitkit niini. Lami.
Ug dayon nakadungog siya og mga tunob sa tiil. Iya kining igsoon nga lalaki! Misuksok si Jack ilalom sa iyang habol.
“Unsay imong gibuhat?” Nangutana si Trevor.
Nakakita si Jack og usa ka libro ilalom sa habol. “Um … nagbasa.”
Gibira ni Trevor ang habol gikan ni Jack. “Nga adunay cookie?”
“A … Akong gigamit kini isip bookmark,” miingon si Jack.
Misulod usab si Mama. “Usa ka cookie isip bookmark?”
Gitabonan ni Jack iyang kaugalingon sa habol. Nanghinaot siya nga mohawa na si Mama ug si Trevor. Wala sila mohawa.
Nanginit ang nawong ni Jack. Milili siya gikan sa habol. “Akong gikuha ang cookie aron kaonon kini.”
“Salamat sa imong pagkamatinud-anon,” miingon si Mama.
Nagmug-ot si Jack. “Apan wala mogaan akong pamati.”
Milingkod si Mama sa katre. “Ang pag-ampo alang sa kapasayloan makatabang. Si Jesukristo makatabang nimo nga mobati og kalinaw pag-usab.”
Si mama ug si Trevor miluhod ug nag-ampo uban ni Jack. Nangayo siya og pasaylo sa pagkuha sa cookie ug sa pagpamakak.
Sa dihang nahuman siya, mipahiyom si Jack. “Hoy, migaan akong pamati!” Iyang gihatag ang cookie ngadto ni Mama. “Ug segurado ako nga mas lami ni ugma!”
Mga paghulagway pinaagi ni Samya Zitouni