Gugma gikan sa Kahitas-an
Gikan sa usa ka interbiyo uban ni Savannah L. Tanner ug Bradley Salmond III.
Dihang nagdako ko, ang akong mga lider sa Primary mitudlo nako nga ang mga sugo sama sa mga mahigugmaong sulat gikan sa Dios. Sa dihang nahimo na akong usa ka mama, sige ko og huna-huna mahitungod ani nga pagtulun-an! Labaw na sa dihang nagtudlo ko sa akong mga gagmayng anak.
Sa dihang ang akong kinamagulangang anak nga lalaki gamay pa, ganahan mi nga dungang maghimo og cookies. Malingaw siya magtan-aw sa mga cookies samtang giluto ni sa oven. Ako siyang gipahimangnoan nga dili kaayo magpaduol. Apan na interesado kaayo siya nga iyang gibutang iyang kamot og giduol iyang nawong sa bildo nga pultahan sa oven ug nasakitan. Wala siya mapaso, apan init kaayo! Misugod siya og hilak ug midagan ngari nako.
Tungod kay gihigugma nako akong anak, gihatagan nako siya og pahimangno aron magpabilin siya nga luwas. Ang Dios mihatag nato og mga sugo tungod kay gusto Siya nga kita magpabilin nga luwas. Ang mga sugo tinuod nga mga mahigugmaong sulat gikan sa Dios!
Si Jesukristo nagtudlo, “Kon nahigugma kamo kanako, tumana ninyo ang akong mga sugo” (Juan 14:15). Ang Dios nagpakita sa Iyang gugma pinaagi sa paghatag kanato og mga sugo. Kon sundon nato Iyang mga sugo, ato Siyang gisultihan nga, “nahigugma usab ko Kanimo.”
Ipares-pares ang mga Sugo
Isulat ang letra sa sugo nga gihulagway sa ubos nga mopares sa pakisayran sa kasulatan.
-
Malaquias 3:10
-
Exodo 20:12
-
Juan 13:34–35
-
Exodo 20:8
-
Sunda ang Pulong sa Kaalam
-
Pagbayad og ikapulo
-
Pag-ampo
-
Tahora ang inyong mga ginikanan
-
Higugmaa ang uban
-
Balaana ang Igpapahulay
Mga paghulagway pinaagi ni Sue Teodoro