Makatabang Ko sa Pagtukod sa Zion

Diha sa Doktrina ug mga Pakigsaad, ang Ginoo gusto nga ang mga tawo magpundok sa usa ka lugar aron dungan sila mga mosunod Kaniya (tan-awa sa Doktrina ug mga Pakigsaad 62:4). Iyang gitawag kini nga Zion.

Ang Zion mao “ang putli og kasingkasing.” Kana nagpasabot nga bisan kinsa nga naghimo sa ilang labing maayo sa pagsunod ni Jesukristo makatabang sa pagtukod sa Zion.

Karon, makatukod kita og Zion bisan asa ta magpuyo! Makatukod kita og Zion sulod sa atong mga pamilya, mga ward, ug mga branch, ug usab sa atong mga kasingkasing. Ang mga propeta ug apostoles mitudlo nga makatukod kita sa Zion kon magtinabangay kita ug mag-alima sa mga nanginahanglan.

Ania ang pipila ka paagi nga makatabang kamo sa pagtukod sa Zion:

Maghimo sa buhat sa family history.
Motabang sa usa ka ginikanan o igsoon sa paglimpyo sa panimalay.
Mobasa sa imong mga kasulatan.
Moserbisyo sa imong silingan.
Makigsulti sa usa ka tawo nga bag-o diha sa eskwelahan o simbahan.
Mopasaylo sa usa ka tawo.
Mag-ampo alang sa usa ka tawo nga nanginahanglan.

Usa ka bahin sa pagtukod sa Zion mao ang pagtukod og mga templo. Sa matag higayon nga mobuhat kamo og usa ka butang nga makatabang sa pagtukod sa Zion, kolori ang usa ka luna sa bintana sa templo.