Pagtukod sa Kirtland Temple

Si Joseph Smith ug ang uban pa nga naglantaw sa lapad nga umahan

Ang Ginoo misulti ni Joseph Smith nga panahon na nga tukuron ang usa ka templo sa Kirtland, Ohio, USA. Mahimo kining usa ka espesyal nga lugar kon diin ang Ginoo mobisita sa Iyang katawhan ug mohimo og mga saad uban nila.

Mga tawo nga nagsugod og tukod sa Kirtland Temple

Ang mga Santos nagsugod sa pagtukod sa templo. Kini nagkinahanglan og dakong kantidad sa kwarta ug dakong trabaho. Apan naghinam-hinam sila nga makadawat sa mga panalangin sa Ginoo.

Usa ka lalaki nag-ampo ug mga trabahante nga naa sa duol

Samtang ang mga Santos nagtrabaho sa templo, hinay-hinay nga nahurot na ilang kwarta. Nag-ampo sila sa Dios alang sa tabang.

Usa ka babaye nga anaa sa karwahe naglantaw sa wala pa nahuman nga Kirtland Temple

Usa ka babaye nga ginganlan og Caroline Tippets ug ang iyang pamilya adunay daghan nga natigom nga kwarta. Ilang gipahulam ang Simbahan og kwarta aron itabang sa pagtukod sa templo.

Mga bata nangolekta og bildo nga gisulod sa mga basket atubangan sa wala pa mahuman og tukod nga Kirtland Temple

Ang mga Santos nagtrabaho pag-ayo. Ang uban nagmaneho og mga karwahe nga puno og mga bato. Ang uban nagtahi og mga sinina ug nagluto og pagkaon alang sa mga trabahante.

Ang mga bata nangolekta og mga piraso sa nabuak nga bildo aron dugmokon kini ug ibutang sa mga bungbong sa templo aron kini magsidlak-sidlak sa sanag sa adlaw.

Mga tawo nga naglantaw sa nahuman na nga Kirtland Temple

Wala madugay ang templo nahuman na! Ang mga Santos naghinam-hinam mga makasulod sa balay sa Ginoo aron sa pagdawat sa mga panalangin nga Iyang gisaad kanila.