Kumusta gikan sa Costa Rica!
Ang Costa Rica anaa sa Tunga-tungang Amerika. Ang opisyal nga pinulongan mao ang Kinatsila. Sobra sa 5 ka milyon ka tawo ang nagpuyo didto.
Kabaybayonan sa Costa Rica
Ang Costa Rica adunay labaw pa sa 760 ka milya (1,220 km) nga kutay sa kabaybayonan. May mga 600 usab nga puti ug itom og balas nga mga baybayon subay sa kabaybayonan!
Misteryosong mga Bato
Ang karaang mga tawo sa Diquís sa Costa Rica mihimo niining mga bola nga bato. Wala gihapon kita mahibalo nganong gibuhat kini o giunsa kini paggamit. Unsay inyong hunahuna?
Duha ka Tempo
Adunay duha ka tempo sa Costa Rica—ang uga nga tempo ug ang ting-ulan nga tempo. Sa kasagaran uga kini gikan sa Disyembre hangtod sa Abril ug ting-ulan sa mahabilin nga mga bulan sa tuig.
Nasodnong Hayop
Niadtong 2021 ang sloth maoy napili nga nasodnong hayop sa Costa Rica. Ang ubang makalingaw ng mga hayop naglakip sa mga balyena, mga dolpin, mga manatee, mga toucan, ug mga tapir!
Adlaw sa Kaugalingnan
Ang Adlaw sa Kaugalingnan sa Costa Rica saulogon sa Septiyembre 15. Ang mga bata importante nga bahin sa mga kasaulogan. Mosayaw sila ug magdala og mga parol diha sa mga parada.
Mga paghulagway pinaagi ni Valeria Danilova; litrato pinaagi ni Ezequiel Becerra/AFP via Getty Images