Ang Akong mga Pulong sa Ebanghelyo

Ang pagpuasa mao ang dili pagkaon ug pag-inom og tubig sulod sa pipila ka oras. Kita mohimo niini nga sakripisyo aron mobati nga mas duol sa Langitnong Amahan ug mohangyo og mga panalangin. Sugdan ug tapuson nato ang atong puasa pinaagi sa usa ka pag-ampo.

Ang pulong nga Igpapahulay nagpasabot sa “oras nga tigpapahulay,” ug ang balaan nagpasabot nga “gipahinungod ngadto sa Dios.” Atong himoon ang adlaw nga Igpapahulay nga balaan ug espesyal pinaagi sa pag-adto sa simbahan, pagpahulay sa naandan nga trabaho, ug sa pagtutok sa Langitnong Amahan ug ni Jesukristo.

Ang tentasyon mao ang higayon nga kita na-impluwensyahan nga mobuhat og usa ka butang nga sayop o wala mosunod sa mga sugo sa Dios. Kita ania sa yuta aron makat-on ug mobuntog sa tentasyon ug mobuhat og sakto uban sa tabang gikan sa Langitnong Amahan ug ni Jesukristo.

Ang Zion mahimong usa ka lugar diin ang mga tawo nagsunod sa ebanghelyo ug nagtinabangay sa usag-usa. Ang pagtukod sa Zion nagpasabot sa paglakip sa uban, pagsunod sa ebanghelyo, ug pag-alima sa usag-usa.