Gikan sa Unang Kapangulohan
Ang Espiritu Santo
Gipahiangay gikan sa “Higala ngadto sa Higala: Nagsunod kang Jesus,” (bidyo), Librarya sa Ebanghelyo.
Ang akong Lola Chasty ang kinamagulangan sa iyang mga igsoong lalaki ug babaye nga Olsen, ug siya ang nag-atiman nila. Sa panahon sa ting-init, magdula sila sa uga nga agianan sa suba duol sa ilang balay sa Castle Dale, Utah, USA. Usa ka adlaw si Chasty nakadungog og usa ka tingog. Kuhaa ang mga bata gikan sa agianan sa suba. Apan wala maminaw si Chasty. Nalingaw kaayo sila.
Dayon nakadungog siya pag-usab sa tingog. Sa gihapon, nagpadayon siya sa pagdula. Dayon, ang tingog misulti sa ikatulo nga higayon. Kuhaa ang mga bata gikan sa agianan sa suba!
Niini nga higayon si Chasty nagdali-dali og pagkuha sa mga bata. Sa kalit lang, nakadungog sila og naghaguros nga tingog. Usa ka bul-og sa tubig ang naghaguros gikan sa kabukiran. Tungod kay naminaw si Chasty sa Espiritu Santo, naluwas niya ang ilang kinabuhi.
Ang Espiritu Santo makahatag og pasidaan kanato kon adunay umaabot nga peligro. Ang imong Langitnong Amahan nahigugma kanimo. Nasayod Siya sa imong matarong, mahigugmaong mga buhat, ug Siya manalangin nimo alang niini.
Pag-aghat nga Puzzler
Ang pag-aghat mao ang usa ka hunahuna o pagbati gikan sa Espiritu Santo nga buhaton ang usa ka butang. Sa istorya ni Presidente Oaks, ang Espiritu Santo miaghat ni Chasty nga kuhaon ang mga bata gikan sa agianan sa suba. Unsa ang giaghat sa Espiritu Santo sa kada bata nga buhaton? Aron mahibaloan, pagdrowing og linya nga mokonektar sa mga kahon nga may kolor. Ayaw sugata ang uban na linya!
Mga paghulagway pinaagi ni Corey Egbert