“Tūreep in Em̧akūtkūt,” Jera, Māe 2025, 40–41.
Tūreep in Em̧akūtkūt
“Jen ajidikdik im ko jān kūrub in,” Ralph ear ba.
Juon bwebwenato em̧ool jān Ghana.
Nyamedo ear ettōr n̄an bus eo ippān ļaddik eo jatin edik, Kwame. Rekar tallōn̄e jikinuwe ko im jijet iturin juon wintō. Nyamedo ear erre nabōjļo̧k n̄an lale al an romaak ioon wōjke m̧aroro ko. Jikuuļ eo aer ear etal ilo juon piiļ tūrep n̄an juon jikin kaloojoj ejeno̧lo̧k ewōr ej bed n̄an kōjbaroke eaorōk eo an. Rainin enaaj erom̧ juon iien n̄an ekkatak!
“A, Nyamedo!”
Rein jeran Nyamedo Ralph im Sierra rekar jijet ioon jea eo ej jujeltok jān e.
Ralph ear kanōk pein aetok pā eo an Nyamedo im kar unoojdikdik. “N̄e jeaj tōpar baak eo, jen kab etal im lale ta n̄an ekkatak!”
“Aaet!” Sierra ear ba. “Jemaron̄ wōr ad make iien ekam̧ōņōņō n̄an ekkatak.”
Ralph ear em̧ajidjid ilo an m̧ōņōņō. “Jemaron̄ ajjidikdik im kom̧okta jān m̧akūtkūt eo jinountata.”
Nyamedo ear lōm̧ņakeļo̧k ilo kōļmenļo̧kjeņ aolep men ko er remaron̄ in loe ilo āne bulon-mar. Wōjke ko raetok, mennin mour ko rem̧m̧an ilo lali, im bōlen kōtōreek ko!
“Men ņe ekalimomo ilo aō ron̄! Kōjwoj kōm̧m̧ane,” ear ba kōn juon ettōn̄ dikdik.
Ilo tōre eo ke bus eo ear jeerļo̧k n̄an jikin kaloojoj eo eaorōk, Nyamedo im Kwame rekar to jān bus eo ippān doon. Rūkaki eo aer ear jiron̄ aolep n̄an pād ippān doonim jab etal ettoļo̧k.
Ralph ear wanm̧aanļo̧k n̄an ippān Nyamedo. “Keememej karōk eo?” Ralph ear unoojdikdik.
Nyamedo ear em̧m̧ajidjid. Ak ālkin ear bōjrak n̄an ļōmņak. Etaleļo̧k im alooje āne eo kobban ej ujooj im mar āinwōt ekaitoktok limo, ak Nyamedo ear barāinwōt jeļā emaron̄ bar kauwōtata. Ta eļan̄n̄e renej kar jōbwābwe ak jorrāān?
Ejjab etto, e ear en̄jake juon ainikien ej kōnono n̄an e. Pād wōt ippān Kwame.
Ainikien eo ear mera im dik. Nyamedo ear jeļā e ear Jetōb Kwojarjar eo.
E ear inepatabwe ke ro m̧ōttan renaaj kar illu ippān kōn jab etal im alooj ippāer. Ak bōlen Jetōb Kwojarjar eo ear kōjparok e.
Nyamedo ear oktakļo̧k n̄an Ralph. “Burom̧ōj, N̄a ilukkuun aikuj in pād wōt ippān ļaddik eo jatū,” ekar ba. “E ej aō eddo.”
Ralph ekar kōmmen̄.
“Ak kwaar ba kwōn kar itok!”
“Rūkaki eo ear ba jej aikuj pād,” Nyamedo ekar ba. Ralph ear bōk kūtwōn im kar mootļo̧k.
Nyamedo im Kwame rekar eta ippān elōn̄ iaan rijikuuļ ro im ļoore rūkaki ro aer. Jinoin rekar etal ioon to eo. Kōto eo ekar m̧ōkaj an pook turin mejāer ilo aer kelo̧k ioon wōjke ko reromaak im m̧aroro. Ear āinwōt n̄e kelo̧k!
Eo tok ālik ej ritōl eo ilo jikin kaloojoj eo ear katakin er kōn jet iaan mennin mour ko rej jokwe ijeņ. Nyamedo im Kwame rejjab maron̄ kōttar n̄an lo er. Rekar ekkatak kōn zebra ko, m̧an̄ke ko, jineek ko, antelope, im elōn̄ bao ko! Ālkin lale aolep mennin mour ko rem̧m̧an, rekar etal im tallōn̄e dipin toļ im iuwe ioon kidia. Tokālik rekar ikkure ikkure ko.
Nyamedo ear m̧ōņōņō ekar aikuj pād wōt ippān Kwame. Eļan̄n̄e ekar jab, enaaj kar jab maron̄ in loe elōn̄ men ko rekam̧ōņōņō!
Ke ekar iien n̄an ro̧o̧lļo̧k ilo bus eo, Nyamedo ekar loe Ralph im Sierra. Rekar ettōr kaio̧kļo̧k e.
“Kem baj libooror wōt jidik jān m̧anke mōrō ko wōj,” Ralph ear unoojdikdik. Ekar reito̧k jidik kōn kar mijak. “Jemaron̄ kar itak in jorrāān.”
Sierra ear emajidjid. “Em̧m̧an wōt bwe kwaar jab itok.”
“Wojjej,” Nyamedo ear ba. “Im̧ōņōņō bwe kom̧ jab jorrāān!”
Jetōb Kwojarjar eo ekar lukkuun kōjparoke eō, ear ļōmņak. Ear jibwe pein Kwame ilo aer uwe ļo̧k ilo bus eo ippān doon.
Ear kam̧m̧oolol bwe Jetōb Kwojarjar eo ear depij er ilokōjparok im kar jipan̄ er lem̧ōņōņō ilo iien ekkatak ilo aer alooj ilo tūrep eo.
Kōmeļeļe ko jān Cam Kendall