Tilmaake Meram in Al

Jān Lucy Stevenson Ewell

“Ej juon al jān kabun̄ eo aō,” Ángel ear ba.

Juon bwebwenato em̧ool jān Argentina.

Ļaddik im em̧m̧aan eo ilo juon waan uwe eo kidia eo ej ettōr kake

Angel ear tallōn̄ lōn̄ļo̧k ioon waan uwe eo kidia eo ej ettōr kake iturin Papá. Kūlaaj in bato ko an milik eo ilo lokan ekar itaak ilo ainikien emra ilo an kida eo aer m̧ōkaj an ettōr m̧aanļo̧k. Al eo ear rom̧aak, im ear kakeememej e kōn al eo an em̧m̧antata.

“Jisōs ekōņaan n̄a n̄an juon ko-in-aļ,” Ángel ear al.

Jejjo allōn̄ remootļo̧k, Angel ekar peptaij. Mamá im ļaddik eo edik jatin, Oscar, rekar barāinwōt peptaij. Papá ear jab kobaļo̧k ippān Kabun̄ in, ak ear m̧ōņōņō kōn er. Ángel ejkabde keememej wōt wāween kar en̄jake eo iien eo ear waļo̧ktok jān dān eo. Ekar āinwōt wāween an en̄jake okmeņāāņ in meram in aļ eo ioon likin, ak ilo itu lowa.

Angel elakkar al wōt n̄an e ilo an Papá kabōjrake wa eo kidia eo ej ettōr kake nabōj m̧weo im̧ōn Señora Perez. Angel ear kelaļtak im bōk juon bato in milik jān ijo ilik. Señora Perez ear juon iaan ro eļap aer wia ippān baam̧le eo an.

“Bōkļamleļo̧k!” ear ba.

Señora Perez ear jerbal ilo jikin kallib eo an. “Kom̧m̧ool,” lieo ear ba, bōk bato eo. Ekar leļo̧k n̄an e jet jāān dekā. “Etan al eo kwaar al kake?”

Ļaddik eo ej leļo̧k bato in milik ko n̄an kōrā eo

Ángel ekar en̄jake an jeban mejān jino bwil. Ekar jab kile ke kōrā eo ekar ron̄ ainikien!

“Ej juon al jān m̧ōnjar eo aō,” Ángel ekar ba. “Kabun̄ eo an Jisōs Kraist im Armej ro Rekwojarjar ilo Raan Ko Āliktata.”

Señora Perez ekar ettōn̄ dikdik. “Etke kwojjab jiron̄ eō jet men ko kōn kabun̄ eo am?”

Ium̧win jidik iien, Ángel ekar lukkuun jeļā ta n̄an ba. Innām ekar ba, “Kōmij tōmak bwe ejja kabun̄ eo an Jisōs Kraist kar kajutake ke Ekar mour ioon laļ in ej pād ijin bar juon alen.”

“Kaitoktok limo,” Señora Perez ekar ba. “Ijjan̄in kar ron̄ kōn juon kabun̄ ej tōmak men ņe.”

“Bōlen komaron̄ itok juon iien,” Ángel ekar ba. “Ewōr Jeram̧m̧an ilo rainin!” Innām ekar ettōr likļo̧k n̄an ippān Papá n̄an bōkļo̧k milik ko jet.

Jibbon̄ in Jabōt eo, Angel ekar jerkak. Ekar maron̄ ron̄ ainikien Mamá ilo jikin kōm̧m̧an m̧ōn̄ā kōm̧m̧an m̧ōn̄ā in jibbon̄.

“Oscar,” Ángel ekar ba, “eiien kōppojak n̄an jar!”

Ángel im Oscar rej kōņan nuknuk in jar ko aer im pojak in em̧m̧akūt. Mōnjar eo enan̄in ruo m̧aeļ ettoļo̧k. Ekar juon etetal eo eaitok, kōn menin ekar em̧m̧akūt m̧ōkaj.

“En juon iien ejeram̧m̧an,” Papá ekar ba ke rekar em̧m̧akūt.

Ke rej etetal laļ, Angel ekar in̄ūrn̄ūri bar al eo em̧m̧antata ippān. Ekar in̄ūrn̄ūr ke rej kijoone m̧ōko ekar bōkļo̧k milik n̄ani. Ekar in̄ūrn̄ūr ke rej kijoone juron leen wōjke eo ilo m̧ōn wia eo. Im ke ej in̄ūrn̄ūr ke rej jeerļo̧k n̄an iaļ eo ijo m̧ōnjar eo ekar pād ie.

Ke rekar deļo̧n̄ļo̧k lowaan, Angel ekar ilbōk. Señora Perez ekar pād ijo! Ekar bōktok aolepān baam̧le eo ippān tok.

“Kwaar itok im jar!” Ángel ekar ba.

Señora Perez ekar emajidjik. “Ikar im̧we jān al eo am,” lieo ekar ba. “Ikar kūr jinōm̧ kōn address eo. Ikar kōņaan itok im ekkatak kōn kabun̄ in n̄a make.”

Angel ekar ettōn̄ dikdik. Ekar kwaļo̧k gospel eo jān al juon al. Ekar kōjatdikdik Señora Perez emaron̄ kar en̄jake jet meram in al ilo būruwōn rainin barāinwōt.