Mary im Carolina rej Kōjparok Jeje ko Rekwojarjar

Mary Rollins ekar 12 iiō rūttoon ke ekar kein kajuon an ekkatak kōn Bok in Mormon eo. Ekar jataiki juon kape im emmej wōt enan̄in aolep bon̄ōn̄ eo riiti.

Mary ekar bar m̧ōņōņō kōn juon bok ekāāl ņaetan Bok in Kien ko. Enaaj lōn̄ elōn̄ katak ko an Jisōs Kraist kar leļo̧k n̄an Josep Smith.

Ak jet armej rekar kōņaan Kabun̄ in Juon raan, em̧m̧aan ro rekar rube m̧weo ijo Bok in Kien ko rekar jeje ie. Rekar joļo̧k peba ko rebūriin namōjļo̧k n̄an wintō eo im kajeplōklōke peij ko n̄an ioon iaļ eo.

Mary im leddik edikļo̧k jatin, Caroline, ekar kitileek im alooj. Mary ekar kōņaan in kōjparoke peij ko m̧okta jān aer kōjjorrāāni. Caroline ekar mijak, ak rekar jeļā bwe peij ko repād ie naan ko an Anij ilo er.

Sister ro rekar ettōrļo̧k n̄an iaļ eo im bōk elōn̄ peij ko jon̄an wōt aer maron̄. Jet em̧m̧aan rekar loi im kar lam̧ōj er n̄an bōjrak. Mary im Caroline rekar jibwe peij ko im ettōrļo̧k n̄an juon meļaaj in corn epaak.

Ruo em̧m̧aan ro rekar likwarkwar er. Mary im Caroline rekar jolaļļo̧k n̄an laļ im no̧je peij ko ium̧win ānbwinnier. Rekar jab keroro ke rekar ron̄jake ke em̧m̧aan ro rekar kappukot er.

Ejjab etto em̧m̧aan ro rekar ebbeer. Mary im Caroline rekar aenōm̧m̧an! Rekar kōjparok peij ko. Rainin katak ko rej pād ilo Katak im Bujen Ko