“Itok, Ļoor Eō M̧akūtkūt ko,” Jera, Māe 2025, 22–23.
Itok, Ļoor Eo M̧akūtkūt ko
N̄an nokon in jota ak ekkatak jeje ko rekwojarjar—ak n̄an baj kam̧ōņōņō!
Eprōļ 28–Māe 4: Katak im Bujen Ko 41–44
Ļait Būrōrō, Ļait Kūriin
Jeje ko rekwojarjar rej katakin wāween an aorōk ļoore kien ko an Anij (lale Katak im Bujen Ko 42). Kōm̧m̧an bwe juon armej eņ erom̧ juon ritōl im jutak im̧aan kūrub eo. N̄e rej ba “tōma maroro,” aolep remaron̄ wōnm̧aanļo̧k. N̄e rej ba “tōma būrōrō,” aolep rej aikuj bōjrak!
Māe 5–11: Katak im Bujen Ko 45
Jilel eo an Enjeļ Eo
Juon enjeļ enaaj uk juon jilel n̄e Jisōs Kraist ej bar itok (lale Katak im Bujen Ko 45:45). Kōm̧m̧ane jilel peba eo am̧ make! Kōdābwil juon m̧ōttan n̄an lowaan juon ļam̧ļam̧ in cone im teepe bwe kilōk. Komaron̄ barāinwōt kobaiki juon ejjo̧r n̄an jilel eo ak doulul ko n̄an batin ko. Innām kōnono n̄an lowaan jilel eo am̧ im ba etke kwoj iakwe Jisōs Kraist.
Māe 12–18: Katak im Bujen Ko 46–48
Kab in Jouj
Anij ej leļo̧k n̄an aolep armej mennin letok ko an jetōb. Meļeļein Ej kōjeraam̧m̧an kōm̧ kōn tōļan ko jān Jetōb Kwojarjar eo (lale Katak im Bujen Ko 46:11–33). Kappukot juon pijja ejjeļo̧k kobban ak kab. Ioon peba jidik ko, jet tōļaņ ko roktak ak mennin letok ko juon armej emaron̄ wōr ippān. Kotaik doon im kālet jān pijja eo im kōm̧m̧an etan juon armej kwojeļā ewōr mennin letok eo ippān!
Māe 19–25: Katak im Bujen Ko 49–50
Ļoore Iaļ eo
Gospel eo an Jisōs Kraist ekkā ņaetan bujen eo ejjeļo̧k jem̧ļo̧kin (lale Katak im Bujen Ko 49:9, 12–14). Būreejtōn Nelson ekar barāinwōt kūri iaļen bujen eo. Ilo jejjo m̧ōttan peba ko, je wāween ko jemaron̄ ļoore Jisōs Kraist. Kōm̧m̧ane juon iaļ ippān peba ko im kotaki doon etetal ioon.
Pija ko jān Christina Smith