Jab Ļoor Kidu Eņ!

“Jen etal!” Lauren ekar lam̧ōj ke ej mootļo̧k jān iaļ in wa eo turin m̧weo.

Mercie ej kōņan elmet eo an. “Ij iwōj!”

Marcie ekar petale baajkōļ eo waan laļļo̧k ilo sidewalk eo laļļo̧k n̄an ippān ro m̧ōttan. Em̧m̧an ippān ikkure kōn aolep ikkure ko ippān Lauren im Cassidy. Ak eļaptata, ej iakwe baajkōļ ippāer.

Ke leddik ro rekar baan̄kōļ laļļo̧k ilo sidewalk eo, kidu eo nejin armej ro rej jokwe turin m̧weo im̧ōn, rekar jino ļoor eo.

“O jaab,” Cassidy ekar ba. “Jej aikuj in kiro̧o̧lļo̧k e n̄an m̧weo im̧ōn!”

Ak kidu ekar jab kōņaan in ro̧o̧l n̄an m̧weo im̧ōn. Rekar kūr e n̄an kabōjrak e, ak Rocket ekar wōnm̧aanļo̧k wōt. Jekdo̧o̧n ta eo rekar kōm̧m̧ane, ekar ettōr to ettōr tak im kōm̧akūtkūti teeļ eo an. Ekar m̧ōņōņō!

Ke ļeddik ro rekar ļoor Rocket, Mercie ekar kile bwe em̧ ko rekar jab lōn̄ im kar jab lukkuun jeļā kajjieer. Ekar ettoļo̧k im ettoļo̧k jān iaļ eo an. Mercie ekar jeļā kajjieen jabdewōt armej ro rekar jokwe ilo em̧ kein!

Ia eo jej jibadōke? Mercie ekar ļōmņak. Inaaj ke maron̄ loe iaļ eo ej kōro̧o̧l e n̄an m̧weo?

Mercie ekar kajjieon̄ jab inepata im kar baajkōļ ļo̧k wōt. Ak en̄jake eo ekar bar ro̧o̧ltok. Jet iien ekar ba n̄an e bwe ej aikuj etal n̄an m̧weo im̧ōn.

Mercie ekar kabōjrake baajkōļ eo waan ioon iaļ eo. Ekar ba ilo juon ainikien ellaaj, “Bōlen jej aikuj in ro̧o̧l kiiō!”

“Jej aikuj in bōk Rocket n̄an m̧weo!” Cassidy ekar ba. E im Lauren rekar baajkōļ wōt im etal ālkin kidu eo.

Mercie ekar oktak an en̄jake. Etke ekar en̄jake an inepata? Ro jeran rekar ke en̄jake men eo barāinwōt?

Bōlen en̄jake in ej baj n̄an n̄a, Marcie ear ļōmņak. Ekar ke itok jān Jetōb Kwojarjar eo? Ekar peptaij im kapen jejjo allōn̄ ko remootļo̧k, im Jinen im Jemān rekar katakin e kōn ron̄jake Jetōb Kwojarjar eo. Rekar ba Enaaj kōnono n̄an e kōn en̄jake ko ilo būruwōn ak ļōmņak ko ilo kōļmenļo̧kjeņ eo an. Ekar jeļā Enaaj tōl e eļan̄n̄e enaaj ron̄jake.

Ekar en̄jake bar en̄jake eo. Iien in ekar lukkuun kajoor. Jab Ļoor Kidu Ņe.

“Ij ro̧o̧l,” Marcie kūr ro m̧ōttan.

“Ekwe!” Lauren ear ba.

Mercie ekar oktak im baajkōļ ro̧o̧lļo̧k n̄an n̄an ial eo ekar itok jāne. Ke ekar tōpar m̧weo im̧ōn, ekar likūti baajkōļ eo waan ioon wijooj ko im deļo̧n̄ n̄an m̧weo. Jinen ekar boub ilo jikin kōm̧m̧an m̧ōn̄ā eo.

“Iakwe, Mama,” Marcie ear ba. “Ikar ro̧o̧ltok n̄an kabijuknen. Ikar en̄jake aō inepata ilowa.”

Jinō ear bōjrak. “Ta eo ear waļo̧k?”

“Ikar en̄jake juon en̄jake in kakkōl ke ikar baajkōļ ippān ajri ro m̧ōtta. Innām ikar ro̧o̧ltok,” Marcie ekar ba. “Ij ļōmņak ekar Jetōb Kwojarjar eo.”

Jinō ear atbakwōje eļap. “Ij m̧ōņōņō bwe kwaar ron̄jake en̄jake eo.”

Marcie ekar em̧m̧an an en̄jake itulowa. “Bar n̄a.”

پی ڈی ایف کھولیں

Kōmeļeļe ko jān Simini Blocker