“Lōke im̧aan mejān Anij,” Jera, Māe 2025, 02–03.
Juon Ennaan an Kweilo̧k eo jān Rikanaan eo
Lōke im̧aan mejān Anij
Kakkobaba jān “Lōke ilo Im̧aan Mejān Anij,” Liaona, Māe 2025, 127–29.
N̄e jej kōm̧m̧an im kōjparok bujen ko, emaron̄ wōr ad lōke jān Jetōb Kwojarjar eo. Emaron̄ wōr ad lōke bwe Jemedwōj Ilan̄ ej ron̄jake kōj im iakwe kōj eļapļo̧k jān ad maron̄ meļeļe. Emaron̄ wōr ad lōke bwe E ej kōņaan jipan̄ kōj tōparkōjatdikdik eo ad ilōn̄ tata. Iakwe em̧ool im wānōk rej kōppeļļo̧k iaļ eo n̄an bōk lōke im̧aan mejān Anij!
Iakwe em̧ool n̄an aolep ej kakōļļe an rikōm̧m̧an aenōm̧m̧an ro! Jen jar n̄an Jemedwōj Ilan̄ bwe en kobrak būruwōd kōn iakwe em̧ool.
Wānōk ej kōm̧m̧an bwe men otemjej em̧m̧anļo̧k im kam̧ōņōņōļo̧k! Eļan̄n̄e ewōr juon am̧ ļōmņak enana, juon ļōmņak elāj, ak juon ļōmņak ebūrom̧ōj , wānōk enaaj bōkļo̧k ļōmņak kein.
Ļōmņak ko ad, naan ko, im kōm̧m̧an ko ad rej aikuj obrak kōn wānōk im iakwe eo erreo an Kraist n̄an aolep armej. Ij karuwaineneik kom̧ bwe kowm̧in kaddōkļo̧k ami lōke im̧aan mejān Irooj.
Katak Kake
Jin̄aik ak je uwaak ko am̧ n̄an kajjitōk kein kōn ennaan eo an Būreejtōn Nelson.
-
Ewi wāween am̧ maron̄ kwaļo̧k iakwe im iakwe em̧ool n̄an ro jet?
-
Ta juon men em̧m̧an komaron̄ ļōmņak kake eļan̄n̄e juon ļōmņak enana, elāj, ak ekabūrom̧ōjm̧ōj ej iwōj n̄an ļōmņak eo am̧?
Ewi wōt eoon kein Būreejtōn Nelson ekar kōjerbale n̄an katakin kōn iakwe em̧ool im wānōk? (N̄an jipan̄: Komaron̄ kōjerbali eoon ko am̧ n̄an kappukōti!)
-
Hibru 11:1
-
Amos 3:7
Kōmeļeļe jān Josh Talbot