Kuwat eo Ettūņo

“Ta men in, Mama?” Sadie ear kanōketok juon tiin ekilep nabōjtak jān itulik in kōbat eo. “Ejjeļo̧k naan ej kwaļok kadkadin ioon.”

“Ikar meļo̧kļo̧k men ņe,” Mama ear ba. “Pepa eo ej kwaļok kadkadin meļeļe ko em̧ōj aer make tūm̧ jān jet iaan kuwat in mweuk ko, kōn menin m̧ōn wia eo ear wiakaki kōn wōņāāņ eo edik. Ikar wiaki juon. Ikar loe ke ekar bōlen kuwat in pea ko.”

Sadie eaar kōm̧m̧ane ļo̧k mejen. Kuwat in peas ko rekar jab men ko rem̧m̧an ippān.

Jinō ekar bōk juon kuwat im ukōte. Enej m̧ōkaj aer jorrāān. Em̧m̧anļo̧k n̄e jej kan̄i rainin.” Ekar likūt kuwat eo ioon tābōļ eo.

“Ta ņe?” Ļaddik eo jein Sadie, Jason, ekar kajjitōk.

“Wōn ņe ejeļā?” Sadie ekar ba. “Mama ej ļōmņak men kein rej pea.”

Jason ekar kurkure kuwat eo “Āinwōt ejjab pea. Uwaak eo aō ej bean.”

Men eo ekar leļo̧k n̄an Sadie juon ļōmņak. Ekar bōk jet teeb im juon makōr im je “peas” ioon juon m̧ōttan peba im “bean” ioon bar juon. Ekar teebi n̄an n̄an kuwat eo.

Innām ekar ļōmņak ium̧win juon minit im je “tōm̧ato sauce” ioon bar juon.

Ilo iien eo Jemen ekar deļo̧n̄tok ilowaan jikin kōm̧m̧an m̧ōn̄ā eo. “Ta in ej kōm̧m̧an ijin?”

“Kōm̧ij ikkure juon ikkure,” Jinen ekar ba. “Uwaak m̧ōk ta in ilowaan kuwat in.”

Jema ekar kotak kuwat eo, kurkure, im innām etūn̄i. “Mushrooms!” ekar ba.

Aolep rekar in̄n̄ur. “Jab mushrooms!” Sadie ekar ba. Enanaļo̧k jān peas, bean ko, im sauce an tomato. “Bōlen jej aikuj joļo̧k kuwat kaņe.”

“Kwojjab lukkuun kōņaan jeļā ta eo ej pād lowaan ke?” Jinen ekar kajjitōk.

Jemān ekar jibwetok kein kōppeļļo̧k kuwat eo. “N̄a ij!”

Ilo an Jema kōppeļo̧ke kuwat eo, Sadie ear binej mejān. Ak ke ekar leliktak māj eo, e ear ilbōk. Kuwat eo ekar obrak kōn leen wōjke ko renno̧.

“Enno̧!” ekar ba ke ekar lale pear ko rebukōnkōn, grape ko, cherrie ko, im peaches ko.

Jason ekar bōktok booļ im jibuun. “Jen m̧ōn̄ā!”

Sadie ekar jibuuni jet leen wōjke jān kuwat eo n̄an lowaan booļ eo. “Ijjab tōmak ke kōm̧ aolep kar bōd,” ekar ba. “Ikar jeļā ke ewōr juon men enana ilowaan.”

“Jej ke ļābōļ armej āinwōt in?” Jinen ekar kajjitōk.

“Ta meļeļe in am̧ ba?” Sadie ekar kajjitōk.

Jemān ekar karōk piliej eo an ioon tebōļ eo. “Kōm̧ ar peek ta remaron̄ waļo̧k jān tulowa, n̄e kōm̧ aolep maron̄ loe wōt ta eo ituņamōj.”

Sadie ekar ļōmņak kōn men eo. “Ke Samara ekar pād ilo jikuuļ eo ekāāl, ikar ļōmņak ekar jab jem̧jerā armej. Ak ikar ekkatak bwe ekar jab maron̄ kōnono kajin eo am. Kiiō kōm̧ij ikkure aolep iien!”

“En̄ņe ej juon waanjon̄ak em̧m̧an,” Jinō ekar ba.

“Jet iien ij en̄jake aer ļābōļ e,” Jason ekar unoojdikdik. “Ajri ro ilo jikuuļ rej ba imaron̄ bōk grade ko rem̧m̧an kōnke eļan̄n̄e rūkaki eo em̧m̧an n̄a ippān. Ak m̧ool eo ej, ij jerbal im kōm̧m̧ani aolep homework ko aō.”

“Ļābōļ emaron̄ kōmettak, remaron̄ ke?” Jemān ekar ba.

Jason ekar emajidjid.

Sadie ekar kam̧ōje ikkū eo an āliktata n̄an men eo kijen. “Ak aolep ļābōļ ko rej ke nana? Ilo m̧ōn wia eo kwoj aikuj in jeļā ta eo kwoj lukkuun wiaki.”

“Kwojim̧we,” Jemān ekar ba. “Kōn menin n̄e jej ļābōļ men ko rem̧m̧an?”

Jason ekar kotak jibuun eo an. “N̄e rej m̧ool!”

“Im wōn ejeļā ta eo em̧ool ej pād ilowaan juon armej?” Jinen ekar kajjitōk.

“Jemedwōj Ilan̄,” Sadie im Jason rekar ba ippān doon.

“Imeļeļe!” Sadie ekar ba. “N̄a nejin Anij. En̄ņe ej ļābōļ eo ejim̧we n̄an n̄a.”

“Im n̄a,” Jason ekar ba.

“Im n̄a!” Jemān ekar ba.

“N̄an aolep.” M̧am̧a ekar ettōn̄ dikdik. “Kōn menin jejjab aikuj in ļābōļe armej pedped ioon ta eo ej pād itulikier, ak tōmak bwe ļābōļ ko rebōd rej litok n̄an kōj. Kōnke Anij wōt ejeļā ta ej lukkuun pād ilowaan.”

Sadie ekar je ioon juon m̧ōttan teeb im kōddāpe ioon sweater eo an. “Ij juon ajri nejin Anij,” ekar ba. Sadie ekar ettōn̄ dikdik. Ekar kōņaan ļābōļ eo ej em̧m̧antata iaan aolep.

Kōmeļeļe ko jān Róisín Hahessy