“Ānbwinnimi Ej juon Mennin Letok!” Jera, Māe 2025, 38–39.

Ānbwinnimi Ej juon Mennin Letok!

Ļaddik maidikdik eo em̧m̧an dettan im im lo̧n̄ eo ej ettōn̄ dikdik

Ānbwinnin ko ilo kanniōk rej itok ilo kajjo jo̧n̄o̧k ko, ļam̧ļam̧, maron̄ ko, im kōļar ko. Aolep kajjojo ānbwin ej juon mennin letok ekabwilōn̄lōn̄ jān Anij im juon m̧ōttan eaorōk jān An karōk!

Aolep ānbwin ko rej aikuj kautiej ilo kea. Kōnono em̧m̧an kōn eo am make im ānbwin ko an ro jet. Armej remaron̄ ba men ko rejjab jouj kōn kwe, ak kwon jab aikuj tōmak er ak kalimjōkļo̧k naan ko aer.

Ānbwin eo am̧ ej jikin kōppād eo n̄an jetōb eo am̧. Ta eo kwoj likūti ilo ānbwin eo am̧ im kōmelij eo am̧ reaorōk! Jemaron̄ kea kōn ānbwin ko ad jān ad m̧ōn̄ā m̧ōn̄ā ko reājmour, kājim̧ourur, im kōm̧m̧an eļap iien kiki.

Jemaron̄ kea kōn jetōb ko ad jān ron̄jake Jetōb Kwojarjar eo, jar, im kālet men eo ejim̧we.

Ļaddik eo em̧m̧an dettan ej jibwe juon X-ray ioon wōt ubōn bwe kwon maron̄ loe di ko diin

Enan̄in aolep armej elōn̄ jān 200 di ko dier. Di ko diim̧ rej jipan̄ im kōjparok ānbwin eo am̧. Majōļ ko am̧ rej jipan̄ eok m̧akūtkūt, etetal, im kakōtkōt.

Paip ko ilo menono eo am̧ rej peļļo̧k im kilōk elōn̄ļo̧k jān 100,000 kōttan juon raan. Menin ejipan̄ an bam̧ bōtōktōk ilo aolepān ānbwinnūm̧.

Kōmelij eo am̧ ej buuļ jerbal n̄an meļeļe men otemjej kwoj loe, ron̄, im en̄jake. Ekajoorļo̧k im m̧ōkaj jān jabdewōt kam̧butōr.

Ilo am̧ rūttoļo̧k, ānbwin eo am̧ enaaj eddōk. Jemedwōj Ilan̄ ear kōm̧anm̧an ānbwin eo am̧ n̄an iien otemjej ukukōtļo̧k aolepān tarlep inmour eo am̧!

Ļaddik eo em̧m̧an dettan ippān pein ej jebooļe aeran bar juon ļaddik ej kōmmōn̄e mejān

Ta eo kwoj kōm̧m̧ane ippān ānbwin eo am̧ eļapļo̧k an aorōk jān wāween jōkjōk eo an. Kwoj ke kōjerbale n̄an kōm̧m̧an n̄an ro jet im kwe make ilo jouj im n̄an ļoore Jisōs Kraist?

Jab keidi ānbwin eo am̧ n̄an ko an ro jet. Keememej, ānbwin eo am̧ ej juon menin letok jān Jemedwōj Ilan̄!