“Ļoore Naan in Mōņōņō ko,” Jera, Māe. 2025, 44–45.
Iaļ in kōpeļļo̧k meļeļe ko Rebidodo
Ļoore Naan in Mōņōņō ko
Juon bwebwenato eo em̧ool jān USA.
“Jemaron̄ ke etal in jin̄a kōn jo̧o̧k?” Quinn ear kajjitōk ippān Mama.
“Mool!” Mama ear ba. “Jen etal.”
Quinn im ļaddik jidikdik eo im leddik jidikdik eo jatin rekar ettōrļo̧k n̄an nabōj.
“Ikōņaan būļū!” Quinn ekar lam̧ōj.
Kade im Chloe rekar bar tōptōp jo̧o̧k. Rekar jijet laļļo̧k im jino jin̄a ioon tōrerein jikin etetal eo. Jinō ekar kotak jet jo̧o̧k būrōrō im jino jeje.
“Ta ne kwoj kōm̧m̧ane?” Quinn ear kajitōk.
“Ij jeje naan in m̧ōņōņō ko n̄an ajri ro ilo jikuuļ n̄eet rej etal ilaļļo̧k n̄an m̧ōko m̧weer rainin,” Jinō ear ba.
Quinn emaron̄ kar loe jikuuļ eo jān wintō eo an itu m̧aan. E em̧m̧an ippān kōm̧m̧an kōkaļļe in iakwe kōn pein n̄an ajri ro ilo aer etetal iturin ļo̧k.
“Ta naan ko jemaron̄ je n̄an kōm̧m̧an aer maidikdik?” Jinō ear kajitōk.
Quinn ear riiti jān ioon aeran Jinō. “Kwoj …”
“Em̧m̧antata!” Jinō ear kōjem̧ļo̧ke.
Quinn ekar maidikdik im kar riitļo̧k wōt. “Kolukkuun m̧ōkade. Komaron̄ kōm̧m̧ane!”
Innām Quinn ear loe juon ļōmņak. Ekar jino jin̄aik juon ļain eaitoktok ilo juon iaan naan ko an Jinō. Ekar jin̄aik juon ļain iturin eo juon. Innām ear lukōje ioon n̄an bar juon.
“Ta eo kwoj kōm̧m̧ane?” M̧am̧a ear kajjitōk.
“Ij kōm̧m̧ane juon ļain n̄an ajri ro n̄an etetal ioon,” Quinn ear ba. E ear jino ettōr ioon ļain eo. “Lale? Ij kwaļo̧k n̄an er ia eo n̄an lo aolep naan in m̧ōņōņō ko.”
“Ij ļōmņak en̄ ņe ej juon iaļ em̧m̧an n̄an kōm̧m̧an bwe aolep armej en maidikdik,” Jinō ear ba. Im menin ear kōm̧m̧an an Quinn maidikdik amn̄e eļapļo̧k.
Kōmeļeļe ko jān Asya Aizenstein