Katak jān Kweilo̧k eo

Ļoore bajōļ eo n̄an kōttōbarļo̧k tampeļ eo. Ta eo kwoj reim̧aanļo̧k n̄an e kōn etal n̄an tampeļ eo juon raan?

Ilo kweilo̧k eo baam̧le eo aō im n̄a kar ļābōļi booļ in tōn̄al ko kōn naan kein āinwōt tōmak, tampeļ, im jar. Ke jaar ron̄ juon iaan naan ko, kōm maron̄ ebbōk tōn̄aļ jān booļ eo an. Naan kein rej jipan̄ eō ļōmņak kōn Jisōs im ron̄jake ekōnono ko.

Jane C., iiō 6, Quebec, Canada

Em̧m̧an ippa kweilo̧k eo eļap kōnke jān kōnono ko imaron̄ en̄jake Jetōb Kwojarjar eo im katak eļapļo̧k kōn Jisōs Kraist.

Tomas P., iiō 8, Buenos Aires, Argentina

Elder Gary E. Stevenson ekar katakin bwe kakkōļļe ko an Kabun̄ in rej kakeememej bwe Kraist ej dilepen Kabun̄ in ad im ej aikuj pād ioļapļap in mour ko ad barāinwōt.

Jin̄aiki juon ļain n̄an kajejjete meļeļe ko ippān m̧ōttan kakkōļļe eo.

• Juon dekā in jabōn em̧ ej dekā eo eaorōktata ilo juon pedped in juon em̧. Et eo etan Kabun̄ in ej pād ilowaan juon dekā in jabōn em̧ n̄an kakeememej kōj bwe Jisōs Kraist ej Dekā in Jabōn Em̧ eo Eļaptata.

• An eļļo̧kļo̧k pā ko pein Rilo̧mo̧o̧r eo ej jutak kōn An kallim̧ur n̄an dāpij aolep ro me rej etal n̄an E.

• Dekā eo kar ļōme (arch) Jisōs Kraist ej jutak ium̧win ej jutak kōn iien eo E ekar waļo̧ktok jān lōb eo, kar jerkakpeje. E emour, im jej ļoor E!