“Tudloi Ko mahitungod sa Espiritu Santo,” Higala, Mayo 2025, 46–47.
Mga Sukaranan sa Ebanghelyo
Tudloi Ko mahitungod sa Espiritu Santo
Ang Espiritu Santo usa ka espiritu. Nagpasabot kana nga Siya walay pisikal nga lawas. Motabang siya kanato nga masayod unsay gusto nga isulti sa Langitnong Amahan kanato.
Ang Espiritu Santo makahupay kanato kon nahadlok kita o nagsubo. Mamulong Siya kanato sa malumo nga mga pagbati ug mga ideya.
Ang Espiritu Santo motabang kanato nga mobati og kalipay kon mohimo kita og maayong mga pagpili.
Ang Espiritu Santo motabang kanato sa pagbati sa gugma gikan sa atong Langitnong Amahan ug ni Jesukristo. Motabang Siya kanato sa pagkahibalo sa tinuod.
Oras na sa Kalihokan
Ang Espiritu Santo makatabang sa paggiya kanimo sa paghimo og maayong mga pagpili. Tudloa ang maayong mga pagpili nga gihimo niini nga mga bata.
Mga paghulagway pinaagi ni Tracy Walker