“Pagsalig diha sa Presensya sa Dios,” Higala, Mayo 2025, 02–03.
Usa ka Mensahe sa Komperensiya gikan sa Propeta
Pagsalig diha sa Presensya sa Dios
Gipahiangay gikan sa “Pagsalig diha sa Presensya sa Dios,” Liahona, Mayo 2025, 127–29.
Kon kita mohimo ug motuman sa mga pakigsaad, kita makabaton og pagsalig gikan sa Espiritu Santo. Kita makabaton og pagsalig nga ang Langitnong Amahan makadungog kanato ug mohigugma kanato labaw pa sa atong masabot. Kita makabaton og pagsalig nga Siya gustong motabang kanato nga makab-ot ang atong labing taas nga potensiyal. Ang gugmang putli ug hiyas moabli sa dalan sa pagbaton og pagsalig diha sa atubangan sa Dios!
Ang gugma nga putli ngadto sa tanan maoy timaan sa mga tigpasiugda og kalinaw! Mag-ampo kita sa Langitnong Amahan aron pun-on ang atong mga kasingkasing sa gugmang putli.
Ang hiyas makapahimo sa tanang butang nga mas maayo ug mas malipayon! Kon kamo adunay daotan nga hunahuna, usa ka dili mabination nga hunahuna, o magul-anon nga hunahuna, ang hiyas mopapahawa nianang mga hunahuna.
Ang atong mga hunahuna, mga pulong, ug mga buhat kinahanglan napuno sa hiyas ug putli nga gugma ni Kristo ngadto sa tanang katawhan. Dapiton ko kamo sa pagpalambo sa inyong pagsalig diha sa atubangan sa Ginoo.
Tun-i Kini Pag-ayo
Pagdrowing o isulat ang inyong mga tubag ngadto niining mga pangutana mahitungod sa mensahe ni Presidente Nelson.
-
Unsaon ninyo sa pagpakita og gugmang putli ngadto sa uban?
-
Unsa ang butang nga maayo nga inyong hunahunaon kon moabot ang bati, dili mabination, o magul-anong hunahuna sa inyong hunahuna?
Hain nga kasulatan ang gigamit ni Presidente Nelson sa pagtudlo mahitungod sa gugmang putli ug hiyas? (Tabang: Makagamit kamo sa inyong kasulatan sa pagpangita niini!)
-
Mga Hebreohanon 11:1
-
Amos 3:7
Paghulagway pinaagi ni Josh Talbot