Dali, Sunod Kanako nga mga Kalihokan

Ang mga kasulatan nagtudlo unsa kaimportante ang pagsunod sa mga sugo sa Dios (tan-awa sa Doktrina ug mga Pakigsaad 42). Pagtawag og usa ka tawo nga mahimong lider ug mobarog sa atubangan sa grupo. Kon moingon sila og “green nga suga,” ang tanan moiswag paabante. Kon moingon sila og “pula nga suga,” ang tanan kinahanglan nga dili maglihok!

Usa ka anghel mohuyop sa trumpeta kon si Jesukristo moanhi na usab (tan-awa sa Doktrina ug mga Pakigsaad 45:45). Paghimo og kaugalingon nimong papel nga trumpeta! Paglukot og usa ka papel nga magporma og embudo ug papitli og tape aron isirado. Mahimo sab nga dugangan nimo og gunitanan ang imong trumpeta o mga lingin alang sa mga button. Dayon praktisa ang pagsulti diha sa imong trumpeta ug pagsulti nganong gihigugma nimo si Jesukristo.

Ang Dios naghatag sa matag tawo og espirituhanong mga gasa. Nagpasabot kana nga Iya kitang gipanalanginan og mga talento pinaagi sa Espiritu Santo (tan-awa sa Doktrina ug mga Pakigsaad 46:11–33). Pangita og walay sulod nga garapon o tasa. Diha sa piraso nga papel, isulat ang managlahing mga talento o mga gasa nga posibleng anaa sa usa ka tawo. Magpulipuli sa pagpili gikan sa garapon ug sa pagngalan og usa ka tawo nga imong nailhan kinsa aduna niana nga gasa!

Ang ebanghelyo ni Jesukristo sa kasagaran gitawag og walay kataposang pakigsaad (tan-awa sa Doktrina ug mga Pakigsaad 49:9, 12–14). Si Presidente Nelson mitawag usab niini og dalan sa pakigsaad. Sa pipila ka pirasong papel, pagsulat og mga paagi nga kita makasunod ni Jesukristo. Paghimo og usa ka dalan gamit ang mga papel ug magpulipuli sa paglakaw subay niini.