Si Mary ug Caroline Miluwas sa mga Kasulatan

Si Mary Rollins 12 anyos dihang una niyang nahibaloan ang mahitungod sa Basahon ni Mormon. Nanghulam siya og kopya ug nagtukaw hapit sa tibuok gabii sa pagbasa.

Si Mary mahinamon usab alang sa bag-ong basahon nga gitawag og Basahon sa mga Sugo. Kini adunay daghang mga pagtulun-an ni Jesukristo nga gihatag ngadto kang Joseph Smith.

Apan ang pipila sa mga tawo dili ganahan sa Simbahan. Usa ka adlaw, ang mga tawo miguba sa bilding diin ang Basahon sa mga Sugo giimprinta. Gipanglabay nila ang printing press sa gawas sa bintana ug gipangkatag ang mga pahina ngadto sa dalan.

Si Mary ug ang manghod niyang babaye, si Caroline, nanago ug nagbantay. Gusto ni Mary nga luwason ang mga pahina sa dili pa kini mangadaot. Nahadlok si Caroline, apan nasayod sila nga ang mga pahina adunay mga pulong sa Dios diha niini.

Ang managsoon nanagan ngadto sa karsada ug nanguha sa daghang pahina kutob sa ilang mahimo. Ang pipila sa mga lalaki nakakita nila ug gisinggitan sila sa paghunong. Gigunitan og maayo ni Mary ug Caroline ang mga pahina ug nanagan ngadto sa duol nga kamaisan.

Duha ka lalaki ang migukod kanila. Si Mary ug Caroline nanghapa sa yuta ug gitagoan ang mga pahina ilawom sa ilang lawas. Hilom kaayo silang naminaw samtang ang mga tawo nangita kanila.

Sa wala madugay niundang ra ang mga lalaki. Si Mary ug Caroline luwas na! Naluwas nila ang mga pahina. Karon kadto nga mga pagtulun-an anaa sa Doktrina ug mga Pakigsaad.