Ang Akong mga Pulong sa Ebanghelyo

Ang usa ka sugo mao ang usa ka butang nga gihangyo sa Langitnong Amahan kanato nga buhaton kay Iya kitang gihigugma. Ang mga sugo maoy mga direksiyon nga Iyang gihatag kanato aron magmalipayon kita ug makabalik Kaniya sa umaabot nga adlaw. Mapanalanginan kita kon mosunod kita sa Iyang mga sugo.

Pinaagi sa Espiritu Santo, ang Langitnong Amahan mihatag sa matag usa kanato og espirituhanong mga gasa sa pagpanalangin sa uban. Dili tanan dunay parehas nga mga gasa, apan ang tanan adunay espirituhanong gasa gikan sa Dios. Mabasa nimo ang pipila niining mga gasa diha sa Doktrina ug mga Pakigsaad 46:11–26.

Ang pagpamatuod mao ang unsay imong gituohan o nahibaloan nga tinuod mahitungod sa Langitnong Amahan, ni Jesukristo, ug sa Ilang ebanghelyo.

Salamat sa Pag-ula ug Pagkabanhaw ni Jesukristo, makaangkon kita og kinabuhing dayon, nagpasabot nga magpuyo kita sa kahangtoran kauban sa Langitnong Amahan, ni Jesus, ug sa atong mga pamilya.