Sunda ang Makalipay nga mga Pulong

Ni Bethany Bartholomew

Usa ka tinuod nga istorya gikan sa USA.

“Pwede ba tang mangadto aron magdrowing gamit ang chalk?” Mihangyo si Quinn ni Mama.

“Sige ba!” Miingon si Mama. “Tana.”

Si Quinn ug ang iyang gamayng igsoon nga lalaki ug babaye nanagan padulong sa gawas.

“Gusto ko og blue!” misinggit si Quinn.

Si Kade ug Chloe mihakop usab og chalk. Nanglingkod sila ug nagsugod sa pagdrowing sa daplin sa agianan. Mipunit si Mama og pipila ka pula nga chalk ug nagsugod sa pagsulat.

Batang lalaki nga nagkolor sa daplin sa agianan gamit ang chalk

“Unsay imong gibuhat?” nangutana si Quinn.

“Nagsulat ko og makalipay nga mga pulong alang sa mga bata nga nag-eskwela nga mangagi pauli sa balay karon,” miingon si Mama.

Makita ra ni Quinn ang eskwelahan gikan sa atubangan sa iyang bentana. Ganahan siyang mowarawara sa mga bata samtang mangagi sila.

“Unsang mga mensahe ang mahimo natong isulat aron makapahiyom sila?” nangutana si Mama.

Gamayng bata nga nagdrowing og mga bituon sa daplin sa dalan gamit ang chalk

Miparayeg si Quinn sa abaga ni Mama. “Ikaw … ”

“Maayo kaayo!” Nahuman si Mama.

Mipahiyom si Quinn ug padayon sa pagbasa. “Maayo gyod ka. Mahimo nimo kini!”

Dayon may nahunahunaan si Quinn. Nagsugod siya sa pagdrowing og taas nga linya sa usa sa mga mensahe ni Mama. Mibadlis siya og linya ngadto sa sunod. Dayon gilaktawan niya aron moadto sa lain.

Babaye nga nagsulat og ‘Maayo kaayo ka!’ sa daplin sa karsada nga chalk

“Unsay imong gibuhat?” Nangutana si Mama.

“Naghimo ko og linya nga kalaktan sa mga bata,” miingon si Quinn. Nagsugod siya sa pagdagan subay sa linya. “Tan-awa? Akong gipakita nila kon asa makita ang tanang makalipay nga pulong.”

“Nagtuo ko nga maayo kaayo na nga paagi aron makapahiyom ang tanan,” miingon si Mama. Ug naghimo kana kang Quinn nga makapahiyom og mas dako.

Batang babaye nga nagdrowing gamit ang chalk sa daplin sa agianan nga nag-ingon ‘Mahimo nimo kini!’