Paglakaw subay sa Iyang mga Tunob

Ni Gabe M., edad 9, California, USA

Paghulagway sa gulang na nga lalaki nga naglakaw sa snow samtang usa ka batang lalaki ug babaye naglakaw subay sa iyang mga tunob sa luyo kaniya

Usa ka adlaw nagbalsa ang among pamilya kauban ni lola ug ni papa. Naglakaw mi padulong sa hawan nga dapit nga natabonan og pipila ka piye nga snow. Lisod gayod kaayo ang paglakaw! Ang akong igsoong babaye naglisod sa paglakaw subay sa snow, maong miingon ang akong papa, “Subaya lang ang akong mga gitumban.”

Ang akong igsoong babaye ug ako nagsugod sa pagtunob sa iyang mga gitumban. Pagkataod-taod misulay ko sa paglakaw og gamay nga ako ra. Dihang nakalakaw nako nga ako ra sa snow, mas lisod kini!

Ang paglakaw subay sa mga tunob ni papa mas sayon kay gihimo na man niya ang lisod nga bahin sa paglakaw sa snow. Duna koy pagpamatuod nga si Jesukristo mihimo na sa kinalisoran nga bahin. Kon molakaw ka subay sa mga tunob ni Jesus, ang imong kinabuhi mas mosayon usab.