“Hello gikan sa Malaysia!” Higala, Mayo 2025, 12–13.
Hello gikan sa Malaysia!
Pagkat-on mahitungod sa mga anak sa Langitnong Amahan sa tibuok kalibotan.
Ang Malaysia usa ka nasod sa Habagatang Silangan sa Asya. Labing minos 33 ka milyon ka tawo ang nagpuyo didto. Kapin sa 130 ka pinulongan ang sinultihan didto, lakip ang Malay ug English.
Kinadak-ang Traffic Circle sa Kalibotan
Usa ka traffic circle sa Putrajaya, Malaysia, may gilapdon nga 2.1 miles (3.4 km). Mao kini ang kinadak-ang traffic circle sa kalibotan!
Karaang Rainforest
Ang Taman Negara usa ka labing karaaan nga rainforest sa kalibotan. Kini labing minos 130 ka milyon na ang gidugayon!
Duha ka Tore
Ang Petronas nga mga Tower mao ang duha ka tag-as kaayo nga bilding nga 88 ka andana ang gitas-on. Sa tungatunga nga gitas-on mao ang usa ka kapunawpunawan nga taytayan nga agian padulong sa mga bilding.
Lumad nga mga Hayop
Dunay daghang talagsaon nga mga mananap sa Malaysia! Ang ubang mga mananap mao ang sun bear, orangutan, ug mga tapir.
Higante nga Kuweba
Ang Sarawak Chamber sa Malaysia labihan kadako nga masulod ang walo ka jumbo jet nga magtapad! Ang kuweba dunay mga 2,300 ka pye (700 m) nga gitas-on ug 980 ka piye (300 m) nga gilapdon.
Mga paghulagway pinaagi ni Josh Talbot