Pe’e i te mau parau ’oa’oa

Nā Bethany Bartholomew

E ’ā’amu mau nō te Fenua Marite mai.

« E nehenehe ānei e pāpa’i i te pu’a papa’i ? » ’ua ui Quinn ia Māmā.

« ’Oia mau ! » ’ua parau Māmā. « Haere ana’e. »

Horo mai nei Quinn ’e tōna nā teina taea’e ’e tuahine i rāpae.

« Nā’u te nīnamu ! », ’ua tuō Quinn.

Haru ato’a mai ’o Kade ’e ’o Chloe i tā rāua pu’a papa’i. Pārahi a’era i raro ’e ha’amatu atu ra i te pāpa’i i ni’a i te pareara. Rave mai Māmā i te pu’a papa’i ’ute’ute e ha’amata atu ra i te pāpa’i.

E tamāroa ’āpī e fa’a’ū ra ma te pu’a papa’i i ni’a i te pareara

« E aha tā ’oe e rave ra ? » ’ua ui ’o Quinn.

« Tē pāpa’i ra vau i te tahi mau parau ’oa’oa nō te mau tamari’i e ho’i i te fare nā te ha’api’ira’a », ’ua pāhono atu Māmā.

E ’ite noa Quinn i te fare ha’api’ira’a mai te ha’amāramarama nō mua o te fare. E mea au nāna ’ia tāraperape i te mau tamari’i ’ia haere rātou nā mua mai.

« E aha te mau parau tē nehenehe ’ia ’itehia tō rātou mata ’ata’ata ? », ’ua ui Māmā.

E tamari’i ’āpī e pāpa’i i te hōho’a nō te feti’a ma te pu’a papa’i i ni’a i te pareara

Tē fā’ao ra Quinn nā ni’a i te tapono o Māmā. « E mea… »

« Fa’ahiahia ’oe ! » Tā Māmā i pāpa’i i te hope’a.

’Ua ’ata’ata Quinn ’e ’ua tai’o fa’ahou. « Nūmera hō’ē ’oe. E haere ia ’oe ! »

Puta mai nei te hō’ē mana’o i roto ia Quinn. Huti a’era ’oia i te hō’ē rēni roa e fa’atū’ati i te hō’ē parau a Māmā. Huti a’era i te tahi rēni mai reira i te tahi atu parau. Fa’atū’ati atu ra i te tahi atu.

E vahine e pāpa’i ra ‘O ’oe te nūmera hō’ē !’ ma te pu’a papa’i i ni’a i te pareara

« E aha tā ’oe e rave ra ? » ’ua ui atu Māmā.

« Tē huti ra vau i te hō’ē rēni nō te mau tamari’i ’ia haere nā ni’a iho », ’ua pāhono Quinn. Ha’amata atu ra i te horo nā ni’a i te rēni. « Tē ’ite ra ’oe ? Tē fa’a’ite nei au i hea rātou e ’ite ai i te mau parau ’oa’oa ato’a. »

« E mana’o maita’i roa ïa nō te fa’atupu i te mata ’oa’oa », ’ua parau Māmā. Rahi roa atu te mata ’ata’ata o Quinn.

E tamāhine ’āpī e pāpa’i ra i te pu’a papa’i i te parau ē ‘E haere ia ’oe !’