Pe’e ia Iesu i Maretia

Tē pe’e nei Luke ia Iesu Mesia ma te purera’a ’e te tāmāhanahanara’a ia vetahi ’ē. E mea au nāna ’ia pure ’e tōna ’utuāfare. I te hō’ē taime, ’ua fifi ’oia i roto i tāna hi’opo’ara’a nō te parau pāpa’i i te reo tinitō. Ma te ha’api’ipi’ira’a ’e te purera’a nō te fa’ari’i i te tauturu, ’ua ti’a iāna ’ia fa’aoti i te reira.

E mea au ato’a nāna ’ia haere i te Paraimere ’e e ha’api’i mai i te mea tā Iesu Mesia i ha’api’i. ’Ua parau ’oia, « te pe’era’a ia Iesu e fa’a’oa’oa rahi iā’u ». E mea au nāna e tauturu i tōna māmā i roto i te mau ’ohipa i te fare, ’e te ha’apa’ora’a i tōna teina ’ia ha’uti ana’e rāua i rāpae. Tē nā ’ō ra ’oia, « ’ia tauturu ana’e au ia vetahi ’ē, e māhanahana tō’u ’ā’au ».

Matahiti : 7

Nō : Kuala Lumpur, Maretia

Mau reo : Peretāne, tinitō ’e maretia

Mau fā : 1) ’Ia fa’ari’i i te hō’ē ha’api’ira’a. 2) ’Ia vai noa ’e tōna ’utuāfare ē a muri noa atu.

Mau fa’a’ana’anataera’a : Ha’api’i ’e tauturu ia vetahi ’ē, tere nā ni’a i te scooter ’e tai’o i te buka

’Utuāfare : Māmā, pāpā, hō’ē taea’e ’āpī ’e hō’ē tuahine ’āpī

’Ā’amu o te pāpa’ira’a mo’a : I te fānaura’ahia Iesu i roto i te hō’ē fātene (hi’o Luka 2:7)

Te hotu ’e te mā’a tupu : ’Ānani pa’avete ’e te tāroti

Mā’a : Nasi lemak (raiti miti ha’ari)

Tau fa’afa’aeara’a : Noela

’Ū : Ute’ute

Hīmene Paraimere : « C’est l’heureux temps » (Chants pour les enfants, 32)