Tā’u mau parau o te ’evanelia

Hō’ē fa’auera’a ’o te hō’ē ïa mea tā te Metua i te ao ra i ani mai ia tātou, ’ia rave nō te mea ’ua here ’oia ia tātou. E mau arata’ira’a te mau fa’auera’a tāna i hōro’a mai ia tātou, ’ia nehenehe ia tātou ’ia ’oa’oa ’e ’ia ho’i fa’ahou iāna ra i te hō’ē mahana. E ha’amaita’ihia tātou ’ia pe’e ana’e tātou i tāna mau fa’auera’a.

Nā roto i te Vārua Maita’i, e hōro’a mai te Metua i te ao ra ia tātou tāta’itahi te mau hōro’a pae vārua nō te ha’amaita’i ia vetahi ’ē. E ’ere hō’ē ā hōro’a tō te mau ta’ata ato’a, tē vai ra rā hō’ē hōro’a pae vārua tō te mau ta’ata ato’a nō ’ō mai i te Atua ra. E nehenehe ’outou e tai’o nō ni’a i te tahi o teie mau hōro’a i roto Te Ha’api’ira’a Tumu ’e te mau Fafaura’a 46:11–26.

Hō’ē ’itera’a pāpū ’o te mea ïa tā ’outou e ti’aturi nei ’aore rā e ’ite nei e parau mau, nō ni’a i te Metua i te ao ra, ia Iesu Mesia, ’e tā rāua ’evanelia.

Maoti te tāra’ehara ’e te ti’afa’ahoura’a o Iesu Mesia, e nehenehe tātou e fa’ari’i te ora mure ’ore, te aura’a ’oia ho’i, e ora tātou ē a muri noa atu i pīha’i iho i te Metua i te ao ra, ia Iesu ’e i tō tātou ’utuāfare.