« Ti’aturi i mua i te Atua », Hoa, Mē 2025, 02–03.
E poro’i nā te peropheta i te ’āmuira’a
Ti’aturi i mua i te Atua
Fa’aauhia nā roto mai te « Te ti’aturira’a i mua i te aro o te Atua », Liahona, Mē 2025, 127–29.
’Ia rave ana’e tātou ’e ’ia ha’apa’o i te mau fafaura’a, e nehenehe tātou e ti’aturi i te Vārua Maita’i. E nehenehe tātou e ti’aturi ē, tē fa’aro’o mai ra te Metua i te ao ra ia tātou ’e tē here nei ia tātou hau atu i tā tātou e nehenehe e māramarama. E nehenehe tātou e ti’aturi ē, tē hina’aro nei ’oia e tauturu ia tātou ’ia tae’ahia tō tātou fāito pūai teitei roa a’e. E ’īriti te aroha ’e te vi’ivi’i ’ore i te ’ē’a nō te fa’ari’i i te ti’aturi i mua i te Atua !
Te aroha i ni’a i te ta’ata ato’a e tāpa’o ïa nō te feiā fa’atupu hau ! E pure ana’e i te Metua i te ao ra nō te fa’a’ī i tō tātou ’ā’au i te aroha.
E fa’ariro te vi’ivi’i ’ore i te mau mea ato’a ’ei mea maita’i a’e ’e te ’oa’oa a’e ! Mai te mea e mana’o ’ino tō ’outou, e mana’o au ’ore, ’aore rā e mana’o ’oto, e tīahi ’ē atu te vi’ivi’i ’ore i te reira mau mana’o.
E ti’a i tō tātou mau mana’o, tā tātou mau parau ’e tā tātou mau ’ohipa ’ia fa’a’īhia i te vi’ivi’i ’ore ’e i te here mau o te Mesia nō te mau ta’ata ato’a. Tē ani nei au ia ’outou ’ia fa’arahi i tō ’outou ti’aturi i mua i te Fatu.
ʼA ’imi māite i teie.
’A pāpa’i hōho’a ’aore rā ’a pāpa’i i tā ’oe mau pāhonora’a i teie mau uira’a nō ni’a i te poro’i a te peresideni Nelson.
-
Nāhea ’oe ’ia fa’a’ite i te here ’e te aroha ia vetahi ’ē ?
-
E aha te mana’o maita’i tā ’oe e nehenehe e feruri mai te mea e ō mai te hō’ē mana’o ’ino, te mana’o hāmani ’ino ’aore rā te mana’o ’oto i roto i tō ’oe ferurira’a ?
E aha te pāpa’ira’a mo’a tā te peresideni Nelson i fa’a’ohipa nō te ha’api’i i te aroha ’e te vi’ivi’i ’ore ? (Mana’o tauturu : E nehenehe ’oe e fa’a’ohipa i tā ’oe mau pāpa’ira’a mo’a nō te mā’imi i te reira !)
-
Hebera 11:1
-
Amosa 3:7
Faʼahōhoʼaraʼa nā Josh Talbot