’A pe’e i tōna ta’ahira’a ’āvae

Nā Gabe M., 9 matahiti, California, Marite

Fa’ahōho’ara’a nō te ta’ata pa’ari e haere ra nā roto i te hiona, ’a haere ai te hō’ē tamāroa ’e te hō’ē tamāhine nā ni’a i tōna mau ta’ahira’a ’āvae i muri iāna

I te hō’ē mahana, ’ua haere tō’u ’utuāfare e fa’ahe’e nā ni’a i te hiona ’e tō’u māmā rū’au ’e tō’u pāpā. ’Ua haere mātou ē tae roa i te hō’ē vāhi āteatea tei tāpo’ihia e te hiona ’āpī me’ume’u. E mea fifi mau ’ia haere nā roto ! Nō tō’u tuahine e mea fifi roa nōna ’ia haere nā roto i te hiona, nō reira ’ua parau tō’u pāpā, « ’a haere noa nā ni’a i tō’u ta’ahira’a ’āvae ».

’Ua ha’amata māua tō’u tuahine i te haere nā ni’a i tōna mau ta’ahira’a ’āvae. I muri a’e ma’a taime ri’i, ’ua hina’aro vau e tāmata e haere nā tō’u iho ’ē’a. I tō’u haerera’a nā tō’u iho ’ē’a, e au ra e mea pa’ari roa atu ā !

Te haerera’a nā ni’a i te ta’ahira’a ’āvae o tō’u pāpā e mea ’ōhie a’e, nō te mea ’ua rave a’ena ’oia i te tuha’a fifi roa a’e ’ia haere nā roto i te hiona. E ’itera’a pāpū tō’u ē, ’ua rave a’ena Iesu Mesia i te tuha’a fifi roa a’e. Mai te peu e haere ’outou nā ni’a i te mau ta’ahira’a ’āvae o Iesu, e ’ōhie roa ato’a tō ’outou orara’a.