Mānava, te mau hoa !

Tē ha’api’i nei te peropheta ia tātou nāhea ’ia pe’e ia Iesu Mesia. ’A huri i te ’api nō te tai’o e aha tāna i ha’api’i i te ’āmuira’a rahi.

E arata’i ato’a te Vārua Maita’i ia tātou. I te ’api 8, ’a tai’o nāhea Marcie i te putapūra’a i te Vārua Maita’i, ’a ta’ahi noa ai ’oia i tōna pere’o’o ta’ata’ahi. ’Ua tauturu te Vārua Maita’i ia Nyamedo ’ia rave i te hō’ē mā’itira’a maita’i, i te hō’ē tere a te fare ha’api’ira’a (’api 40). Mai te mea e fa’aro’o ’outou i te Vārua Maita’i, e nehenehe ’outou e putapū i te mau poro’i ’o te tāmāhanahana, e arata’i ’e e ha’api’i ia ’outou.

’A ha’amana’o noa ē, tē vai ra ia ’outou te tauturu a te mau peropheta, te Vārua Maita’i, ’e te tahi atu mau ta’ata tei here ia ’outou !

Ma te here,

Te Hoa

P.S. ’A fa’ati’a mai ia mātou i te hō’ē taime ’a fa’aro’o ai ’outou i te peropheta ’aore rā ’a pe’e ai ’outou i te Vārua Maita’i.