’Ohipa ri’i nō te Mai, pe’e mai

Tē ha’api’i nei te mau pāpa’ira’a mo’a i te faufa’a rahi ’ia pe’e i te mau fa’auera’a a te Atua (hi’o Te Ha’api’ira’a Tumu ’e te mau Fafaura’a 42). ’A ani i te hō’ē ta’ata ’ia riro ’ei ra’atira ’e ’ia ti’a i mua i te pupu. ’Ia parau ana’e rātou « mōrī matie », e nehenehe te mau ta’ata ato’a e haere i mua. ’Ia parau ana’e rātou « mōrī ’ute’ute », ’eiaha te mau ta’ata ato’a e hā’uti’uti fa’ahou !

E fa’ata’i te hō’ē melahi i te pū ’ia ho’i fa’ahou mai ana’e Iesu Mesia (hi’o Te Ha’api’ira’a Tumu ’e te mau Fafaura’a 45:45). ’A hāmani i tā ’oe iho pū ’api parau ! ’A ’ōviriviri i te hō’ē ’api parau mai te hō’ē tounu [cône] te huru ’e e tāpiri i te reira i te rīpene ’ī’iru. E nehenehe ato’a ’oe e tu’u atu i te hō’ē tāpe’ara’a i tā ’oe pū ’aore rā te mau menemene nō te mau pitopito. I muri iho, ’a ha’api’ipi’i ia ’oe ’ia paraparau i roto i tā ’oe pū ’e ’ia parau nō te aha ’oe i here ai ia Iesu Mesia.

E hōro’a te Atua i te ta’ata tāta’itahi i te mau ō pae vārua. Te aura’a o te reira, e ha’amaita’i ’oia ia tātou, ma te mau tārēni nā roto mai i te Vārua Maita’i (hi’o Te Ha’api’ira’a Tumu ’e te mau Fafaura’a 46:11–33). ’A ’ite mai i te hō’ē mōhina ’aore rā i te hō’ē ’āu’a pau. I ni’a i te mau ’api parau, ’a pāpa’i i te mau tārēni ’aore rā i te mau ō ta’a ’ē, ’o tā te hō’ē ta’ata e nehenehe e fa’ari’i. Hō’ē i muri mai i te tahi, ’a huti mai nā roto mai i te mōhina ’e ’a parau nō vai terā tārēni !

Pinepine te ’evanelia a Iesu Mesia i te pi’ihia te fafaura’a mure ’ore (hi’o Te Ha’api’ir’a Tumu ’e te mau Fafaura’a 49:9, 12–14). ’Ua pi’i ato’a te peresideni Nelson i te reira, te ’ē’a o te fafaura’a. I ni’a e rave rahi pēha’a ’api parau, ’a pāpa’i i te mau rāve’a e nehenehe ai tātou e pe’e ia Iesu Mesia. ’A rēni i te hō’ē ’ē’a e te mau ’api parau ’e ’a haere nā ni’a iho te tahi i muri mai i te tahi.