Pagtabang ni Lucas, Pagtabang ni Lexi

Si Lucas ug Lexi managsoon. Ganahan sila nga magkaubang motrabaho ug magdula.

Buta si Lucas. Nagpasabot kini nga dili kaayo siya makakita. Si Lexi adunay problema sa tiil [clubfoot]. Nagpasabot kini nga ang iyang tiil naglubag, ug lisod kini ilakaw. Tabangan ni Lucas si Lexi sa paglakaw kon kapoyon na ang iyang mga bitiis. Basahan ni Lexi si Lucas kon kapoyon na ang iyang mga mata. Ganahan sila nga motabang sa usag usa.

Si Lucas ug si Lexi ganahan nga magdula sa dulaanan. Tabangan ni Lucas si Lexi kon mapandol siya ug matumba. Tabangan ni Lexi si Lucas kon dili niya makit-an ang mga monkey bar.

Si Lucas ug si Lexi ganahan magdula og mga board game. Basahon ni Lexi ang mga lagda ngadto ni Lucas. Tabangan ni Lucas si Lexi sa paghunahuna sa iyang sunod nga lihok.

Si Lucas ug Lexi ganahan og musika. Ganahan si Lucas nga motukar sa piano. Ganahang mokanta si Lexi. Usahay motukar sa piano si Lucas samtang mokanta si Lexi.

Si Lucas ug si Lexi ganahang magtinabangay. Usahay tabangan ni Lucas si Lexi sa pagtarong sa iyang higdaanan. Usahay tabangan ni Lexi si Lucas sa pagpamunit sa iyang mga dulaan.

Si Lucas ug si Lexi ganahang mobasa sa mga istorya sa mga kasulatan. Ganahan sila sa pagkat-on mahitungod ni Jesukristo ug giunsa Niya pagtabang sa uban. Gihigugma ni Jesus kadtong Iyang gitabangan.

Si Lucas ganahan kaayo nga motabang ni Lexi, ug si Lexi ganahan kaayo nga motabang ni Lucas. Gihigugma nila si Jesukristo ug gusto nga mahimong sama Kaniya. Si Jesus nahigugma ni Lucas ug Lexi. Ganahan kaayo Siya nga nagtinabangay sila sa usag usa.

Mga paghulagway pinaagi ni Natalie Briscoe