Ang Pakig-chat ni Melvis mahitungod sa Sakramento

Nuebe anyos ko, ug ako taga Nigeria. Makasulti ko og duha ka pinulongan, sa Igbo ug sa Iningles. Ang akong paborito nga mga kalingawan mao ang football ug pagdula og mga dula. Adunay upat ka tawo sa akong pamilya—ako, ang akong mga ginikanan, ug ang akong igsoon nga babaye.

Ang akong paboritong butang bahin sa pagpuyo sa Malaysia mao ang pagkaon ug ang kultura. Ang akong paboritong pagkaon mao ang nasi goreng (fried rice). Sa akong eskwelahan magsaulog kami sa Lunar nga Bag-ong Tuig ug sa uban pang mga holiday gikan usab sa lain-laing mga kultura.

Pinaagi sa pag-ambit sa sakramento, akong gibag-o ang mga pakigsaad ug mga saad nga akong gihimo ngadto sa Langitnong Amahan. Nasayod ko nga ang pag-ambit sa sakramento ug pagtuman sa akong mga pakigsaad makahatag og mga panalangin, sama sa pagbaton sa Iyang Espiritu uban kanako, mogiya kanako, ug mohatag nako og kahupayan sa giatubang nga mga hagit.

Maningkamot ako sa pagsunod ni Jesus ug magpuyo sa Kristohanong paagi sulod sa semana. Sa miting sa sakramento ganahan kong mokanta sa mga himno. Atol sa sakramento, mosulti ko og hilom nga pag-ampo sulod sa akong kasingkasing, ug naningkamot ko sa pagpakita og balaang pagtahod.

Buhaton nako ang akong labing maayo sa pagpaminaw sa mga pakigpulong human sa sakramento. Ganahan kong mohimo og mga mubong sulat samtang naminaw ko. Dayon human sa simbahan maghisgot ko mahitungod sa unsay akong nakat-onan ngadto sa akong mama ug igsoon nga babaye.

Kanunay ako nga mag-ampo sa kada buntag uban sa akong pamilya. Sa eskwelahan, akong tugotan ang akong mga klasmeyt sa paggamit sa akong laptop sa panahon sa klase kon ilang malimtan ang ilang laptop sa ilang balay. Mopaambit usab ako sa akong meryenda ngadto sa mga klasmeyt nga walay dala.

Akoa silang sultihan nga dili maghunahuna sa ilang mga kabalaka ug sa tanan pang mga butang. Mamalandong lang sa mga panalangin ug sa gugma sa Dios diha sa ilang mga kinabuhi.