Dali, Sunod Kanako nga mga Kalihokan

Ang mga kasulatan nagtudlo nga ang plano sa Dios sa kaluwasan nakasentro kang Jesukristo ug motabang kanato nga makapauli ngadto sa Langitnong Amahan (tan-awa sa Doktrina ug mga Pakigsaad 29). Pagkuha og usa ka piraso nga papel. Paggunting og usa ka hulagway sa Manluluwas gikan sa Higala ug ipapilit kini sa tunga. Diha sa sobra nga luna, pagdrowing og mga butang nga inyong mahimo aron makabalik ngadto Kaniya. Pangayo og tabang sa usa ka hamtong kon maglisod ka!

Si Jesukristo miingon nga kinahanglan tukoron nato ang atong pundasyon diha sa Iyang ebahenglyo (tan-awa sa Doktrina ug mga Pakigsaad 33:12–13). Puli-pulihi ang pagtukod og taas nga tore sa mga bloke kutob sa inyong mahimo. Dayon tagsa-tagsaa sa pagkuha ang mga bloke gikan sa tunga-tunga o sa ubos sa tore hangtod nga kini matumba. Sa unsa nga paagi nga kini makatabang kanimo nga makahinumdom sa pagtukod sa imong pundasyon diha ni Jesukristo?

Sa dihang si Jesukristo miduaw sa Jerusalem atol sa kataposang semana sa Iyang kinabuhi, ang mga tawo miwara-wara og mga lukay aron sa pagsaulog. Ang mga lukay simbolo sa kinabuhing dayon. Tungod ni Jesukristo, kitang tanan mabanhaw ug makabaton og kinabuhing dayon (tan-awa sa Doktrina ug mga Pakigsaad 138:17). I-trace ang inyong mga kamot diha sa berde nga papel ug guntinga ang mga marka sa kamot. Ipapilit o i-tape kini ngadto sa usa ka craft stick aron sa paghimo og usa ka lukay.

Diha sa Doktrina ug mga Pakigsaad, si Jesukristo misulti sa mga Santos nga magpundok aron Siya makapanalangin kanila og gahom gikan sa langit (tan-awa sa Doktrina ug mga Pakigsaad 38:31–32). Pagpundok og usa ka grupo nga labing menos upat ka tawo diha sa usa ka lingin. Kuhaa ang mga kamot sa duha ka managlahi nga mga tawo sa imong atubangan aron makaporma og usa ka tawo nga higot [human knot]. Sulayi ang pagbadbad sa inyong kaugalingon ngadto sa usa ka lingin pag-usab nga dili buhian ang kamot ni bisan kinsa!