“Hello gikan sa Australia!” Higala, Abril 2025, 8–9.
Hello gikan sa Australia!
Ang Australia usa ka nasod ug usa ka kontinente taliwala sa Pasipiko ug Indian nga mga Kadagatan. Sobra sa 25 ka milyon ka mga tawo ang nagpuyo didto! Ang Iningles mao ang nag-unang pinulongan nga gipamulong didto.
Duha ka Templo sa Brisbane
Ang Brisbane Australia Temple anaa sa usa ka lugar nga gitawag og Kangaroo Point! Ang ikaunom nga templo sa Australia gipahibalo alang sa habagatang bahin sa Brisbane usab.
Usa ka Lanaw nga Pink ang Kolor
Ang Lanaw Hillier usa ka parat nga lanaw sa Australia. Ang tubig bubblegum nga pink ang kolor tungod sa espesyal nga mga matang sa bakterya ug lumot.
Australian nga mga Hayop
Adunay daghang talagsaon nga mga hayop sa Australia, lakip ang mga platypus, mga kangaroo, mga koala, ug mga emu.
Pula nga Bato
Ang Uluru usa ka dako nga sandstone nga bato sa Australia. Ang gitas-on niini 1,142 ka piye (348 metros)—mas taas pa kaysa sa Eiffel Tower!
Paghimo og Musika
Ang Aboriginal nga katawhan (ang labing una nga mga tawo sa Australia) naghimo og mga instrumento nga gitawag nga didgeridoos gikan sa mga troso nga adunay buslot ang tunga. Kon mohuyop sila ngadto sa troso, mohimo kini og ubos nga hagonghong nga tingog.
Mga paghulagway pinaagi ni Amanda Smith; litrato sa Uluru Rock: beau - stock.adobe.com