Nakaplagan ni Lucy ang Kamatuoran

Batan-ong babaye nga nag-abli sa pultahan aron pasudlon ang usa ka grupo sa mga lalaki samtang ang usa ka babaye naglingkod dapit sa usa ka hablanan

Usa ka adlaw, ang 15-anyos nga si Lucy Morley nagtabang sa iyang silingan, si Abigail Daniels, sa paghablon og panapton. Samtang nagtrabaho sila, tulo ka misyonaryo ang nanuktok sa pultahan. Miingon sila nga si Jesukristo mipadala kanila aron sa pagpakigbahin og mensahe.

Babaye diha sa hablahan nagmug-ot samtang ang mga lalaki nakig-istorya sa batang babaye

Ang mga lalaki misulti kang Abigail ug Lucy nga si Jesus mitawag ni Joseph Smith nga mahimong usa ka propeta. Sila usab misulti kanila bahin sa Basahon ni Mormon.

Pungot nga babaye nga migukod sa mga lalaki pagawas sa iyang panimalay

Sa kakurat ni Lucy, nasuko si Abigail. Gipabiya niya ang mga misyonaryo.

Ang mga lalaki mitan-aw og balik samtang ang batang babaye migukod kanila

Nasayod si Lucy nga ang mga misyonaryo mga sulugoon sa Dios. Siya misulti kanila sa pagbisita sa iyang pamilya sa unahan.

Mga lalaki nga diha sa lamesa sa panihapon uban sa batang babaye ug sa iyang pamilya

Ang mga misyonaryo miadto sa panimalay sa mga Morley. Ang mga ginikanan ni Lucy miimbitar sa mga misyonaryo sa pagtudlo kanila ug sa ilang mga higala.

Batang babaye nga nagbutang og toalya palibot sa abaga sa babaye samtang ang usa ka tawo gibunyagan diha sa usa ka suba sa luyo

Nianang gabhiona, 17 ka tawo ang nabunyagan. Sa misunod nga pipila ka adlaw, 50 pa ka dugang nga mga tawo ang nakadungog sa mga misyonaryo ug nabunyagan. Bisan ang silingan ni Lucy nga si Abigail miusab sa iyang hunahuna. Siya ug ang iyang bana, uban ni Lucy ug sa mga sakop sa iyang pamilya, mipili sa pagsunod ni Jesukristo pinaagi sa pagpabunyag.