Te ’Ōrama mātāmua

I tō Iosepha Semita ’āpīra’a, e rave rahi ’ēkālesia e ha’api’i i te mau mea ta’a ’ē nō ni’a ia Iesu Mesia. ’Aita Iosepha i ta’a e aha te ’ēkālesia e ’āmui atu.

I te hō’ē mahana, ’ua tai’o ’oia i te Iakobo 1:5 i roto i te Bibilia. Tē nā ’ō ra, tē ’ere ra tātou i te ’ite, e ani i te Atua. ’Ua fa’aoti Iosepha e nā reira.

I te hō’ē mahana nehenehe nō te pu’e tau fa’atupura’a rā’au, ’ua haere Iosepha i roto i te uru rā’au nō te pure i te Metua i te ao ra.

’Ua tūturi ’oia ’e ha’amata a’era i te pure. I muri iho rā, ’ua ’ite ’oia i te pōiri ’ati a’e iāna. ’Ua mata’u ’o Iosepha. ’Ua ani ’oia i te tauturu i te Atua.

I reira iho, ’ite atu ra Iosepha i te hō’ē māramarama ’ana’ana i te poura’a mai ni’a mai i te ra’i. ’Ite a’era ’oia i te Metua i te ao ra ’e ia Iesu Mesia i te ti’ara’a i roto i te reva. ’Ua parau te Metua i te ao ra i te i’oa o Iosepha. I reira, ’ua fa’atoro ’oia i te rima i ni’a ia Iesu Mesia ma te parau ē : « ’O tā’u Tamaiti here teie. ’A fa’aro’o iāna ! »

’Ua parau Iesu ia Iosepha ē, ’eiaha ’oia e ’āmui atu i te hō’ē noa a’e o te mau ’ēkālesia.

E tauturu Iosepha ’ia fa’aho’i fa’ahou mai i te ’īra’a o te ’evanelia i ni’a i te fenua nei.

’Aita Iosepha i ta’a ’ore fa’ahou. ’Ua ’ī ’oia i te ’oa’oa ! I ’ite ’oia ē ’ua here te Atua iāna. ’Aita te tahi mau ta’ata i ti’aturi ē, ’ua ’ite ’oia i te Metua i te ao ra ’e ia Iesu Mesia, ’ua ’ite rā ’oia e parau mau te reira.